دعاء فاروق ترد على انتقادات جدالها مع شيوخ برامجها

قالت الإعلامية دعاء فاروق إنها تؤمن بأن الله سبحانه وتعالى سيحاسبها إن لم تتقن في عملها، لذلك يجب عليها عرض كل الآراء الممكنة في كل المواضيع التي تتطرحها.

تابعت “فاروق” خلال لقائها على منصة “miniz”: “الحمدلله مفيش شيخ كبير من الأسماء الرنانة في مصر إلا وأنا اشتغلت معاه وعملت معاه سلسلة حلقات كبيرة، دايما بقول إن الشيوخ مش مضطرين يشتغلوا معايا لو أنا مضيقاهم، كل الأسماء المحترمة عملوا معايا سلاسل حلقات ومفيش حد منهم مشي من البرنامج زعلان وقال مش هشتغل مع دعاء تاني”.

نرشح لك: “بالصدفة”.. دعاء فاروق تحكي قصة دخولها المجال الإعلامي

أضافت: “حتى الأسماء اللي أنا مش بشتغل معاها دايما على تواصل معايا، لأننا بنخاطب العقل ولأننا مش بنعمل حديث الروح بتاع زمان.. لأ إحنا بنتكلم في مراضيع اجتماعية لازم نفتحها ونتناقش فيها”.

أردفت: “إيه الحرام في كده؟ إحنا بنسأل عشان نستفيد مش عشان الناس تقولنا اسكتوا، إحنا بنتناقش عشان لازم كل الآراء تطلع والناس تشوفها وتستفيد، أنا ربنا هيحاسبني لو معملتش شغلي على أكمل وجه عشان كده بتناقش في الموضوع وبفصصه حتة حتة”.

استطردت: “أنا ببقى عارفك إن ممكن رأي ما لشيخ يكون بينتصر ليه، لكن ممكن الرأي ده ميناسبش حد ما فأكيد في رأي تاني يناسبه لأن الفتوى تتغير بتغير المكان والزمان والأشخاص والظروف”.