"بالصدفة".. دعاء فاروق تحكي قصة دخولها المجال الإعلامي

قالت الإعلامية دعاء فاروق إنها عملت قبل دخولها مجال الإعلام في عدة مهن مختلفة، منها أنها كانت مضيفة دور أرضي بمطار القاهرة.

تابعت خلال لقاء لها مع “Miniz“، أنها عملت في المبيعات لدى شركة عالمية، وبعدها قررت أن تغير مجال عملها ففكرت في الانضمام إلى قناة “ART”.

نرشح لك: رضوى الشربيني: الوجع ساعات بيبقى مفيد

أضافت: “قدمت على الـART لوحدي عشان كده بابايا كان مبسوط بيا، وجبت النمرة من الدليل وكلمتهم قولتلهم أنا عايزة أجي أكلم عندكم، قالولي مش محتاجين، لما نحتاج هنكلمك وأبقي هاتي الـCV بتاعك، وفي يوم كنت في القاهرة ولابسة حلو ومتشيكة روحت وديت الـCV بتاعتي، فاليوم دا لقيت في حوالي 250 بنت بتقدم بالصدفة، والسكرتيرة سألتني أنتي جاية ليه فقولتلها، فقالتلي بس دول تصفيات من 5000 آلاف واحدة قدمت، بس تقريبا السكرتيرة شافت فيا حاجة معرفهاش ودخلت أوضة التقديم فواحد خرج وقالي متمشيش، وساعتها مخدوش من الـ250 بنت دول حد غيري وبنت كمان”.

أشارت “فاروق” إلى أنها بالرغم من كونها فتاة ومن خارج القاهرة، كان والدها لا يمانع في خطوات عملها التي تتقدم لها، فهي تقدمت للعمل بمطار القاهرة بدون واسطة من خلال إعلان في الصحف وحصلت على الوظيفة، وكذلك لم تحصل على واسطة عندما تقدمت للعمل في الإعلام.