عزة بهاء تكشف أسباب ابتعادها عن الفن
إسراء حسن
كشفت الفنانة عزة بهاء، عن سبب ابتعادها عن الفن، قائلة: “البيت خدني من الفن شوية كتير، وبحب أعمل أدوار معينة وعجباني”.
أضافت “بهاء” خلال لقائها في برنامج “كلام الناس” من تقديم ياسمين عز والمعروض عبر قناة “mbc مصر” اليوم الخميس: “أنا بشتغل بس قليل، ومبحبش أعمل أي حاجة، والبيت خدني شوية كتير بس بمزاجي يمكن أكتر من 20 سنة، ومش كل الشغل اللي كان بيجيلي ببقى مبسوطة بيه”.
نرشح لك: طارق الدسوقي: اتجوزت مرتين وحرمت
وعند سؤالها عن سبب حصرها في أدوار الهوانم، أجابت: “حصروني في الأدوار دي، يمكن عشان نجحت فيها في الأول فقالوا خلاص دايما أعمل الأدوار دي، اتضايقت يمكن شوية في الأول عشان كنت مقتنعة إن الفنان لازم يعمل كل حاجة وأنا كنت شاطرة في دا، بس الشخصية الوحيدة اللي خرجت فيها عن الدور دا شخصيتي في مسلسل (الليل وأخره)”.
تابعت: “بعد شوية اقتنعت إن دي وجهات نظر، أو شغلانة مخرج ورؤيته في قدرته على تطوير الممثل اللي قدامه هيقدر يخرج منه الشخصية اللي هو عاوزها”.
اختتمت: “أستاذ رائد لبيب اشتغلت معاه كذا حاجة ومنهم حاجة كانت كوميدي، كل الناس قالتله دي دمها تقيل ومش هينفع تعمل كوميدي ولكن عملت مسلسل كوميدي حلو اوي في الأخر”.