ليلى زاهر تعلن عن طرح أولى أغانيها قريبا

كشفت الفنانة ليلى أحمد زاهر عن استعدادها لطرح أولى أغنياتها قريبا، مشيرة إاى أن الأغنية من نوعية الدراما.

قالت “زاهر” خلال لقاءها في برنامج “تفاعلكم” المذاع على شاشة العربية وتقدمه الإعلامية سارة دندراوي: “مش هدفي أني أبقى مغنية، أنا بحب أغني، بتبسط لما بغني، بس أنا ممثلة، فهي حاجة حلوة أن الواحد يبقى يغني ويمثل يعني ممكن أغني وأنا بمثل”.

نرشح لك: ليلى زاهر عن شائعات ارتباطها: مفيش الكلام ده

تابعت: “أعتقد مش هعمل ألبوم وممكن أعمل مش عارفة، بس أنا الفترة الجاية عاملة أغنية جديدة إن شاء الله ، ألحان وتوزيه إسلام زكي وكلمات محمد حسن، هي أغنية مختلفة أوي عني، أنا دايما الفرفوشة اللذيذة، دي دراما أوي”.

أوضحت: “أنا بخاف من الغنا، بتدرب وكل حاجة بس أنا بخاف، أنا مكنتش عمري هغني، اللي خلاني أعمل كده هشام جمال، هو اللي شجعني في مرة سمع صوتي كده وقال لي أنتي موهوبة وتعالي نجرب وعملنا تتر مسلسل (في بيتنا روبوت) وأغنية (في شي مكان)، لو هو ماشجعنيش مكنتش هغني أنا بتكسف وبخاف”.

يشار إلى أن آخر أعمال ليلى زاهر، مسلسل في بيتنا روبوت 2 بطولة هشام جمال، شيماء سيف، عمرو وهبة، ليلى زاهر، دنيا ماهر، محمد أوتاكا، طه دسوقى، مى دياب، وعدد من ضيوف الشرف منهم شيرى عادل والعمل فكرة أحمد محيي وأحمد المحمدي وسيناريو وحوار عمرو وهبة وإخراج أسامة عرابي.