علاء مرسي: مفيش حد نمبر وان حتى عادل إمام
شدوى ممدوح
قال الفنان علاء مرسي، إن المجاملات التي فعلها خلال مشواره الفني قد أضاعت مستقبله، ودمرت حياته.
أضاف “مرسي“، خلال استضافته مع الإعلامي عمرو الليثي، في برنامج “واحد من الناس“، المذاع عبر شاشة “الحياة”: “مهنة الفن لا تعرف الوفاء لأننا بنشوف أنماط من أعظم الفنانين وأساتذتنا اللي بيتقدم بيهم العمر وبتذهب عنهم الأضواء أد إيه هم بيعانوا من عدم السؤال حتى ودي معرفش حلها إيه، دكتور أشرف زكي أنا بديله تعظيم سلام لأن راجل بيعمل حاجات عجيبة وبيرد على التليفونات في أوقات غريبة، وبيسيب حاجات خاصة بيه عشان يجري في خدمة الناس، ولكن أنا مش عارف يعمل إيه تاني“.
نرشح لك: علاء مرسي: ظلمت موهبتي بالمجاملات
أردف: “50% من شغلي كان نحت، النحت معناه أنك تقبل أي حاجة عشان أقرب قرشين وتشتغل، النحت أنك تنحت عشان تجامل صاحبك اللي هو عايزك تقف معاه وخلاص مش شرط اسمك يتحط فين ولا تعمل إيه“، أضاف أنه يرى نفسه من أعظم الفنانين، مشيرا: “بعترف بموهبتي وبما أنعمه الله عليا من إبداع وأنني من أعظم الممثلين الموجودين على مستوى العالم، أنا عندي موهبة عظيمة أعلمها وأنا مش بتفاخر أنا بقول إن عندي الموهبة والقدرات“.
تابع: “فكرة أني لازم أخد ملايين مش شرط لأن الملايين دي تجارة، أنا ممكن أكون من أعظم الممثلين بس مليش سعر في البيع وده شيء عادي وموجود في الشغلانة، في نجم يباع وفي ممثل عظيم يمثل ومش شرط ياخد الفلوس دي، في نجوم مش بتعرف تمثل بس هو كده ربنا مديله الحتة دي“.
أكمل: “من وجهة نظري النجم اللي موهوب حضورا وذكاءا بقوة هو أحمد حلمي، أحمد حلمي ذكي ذكاء فني عظيم في اختياراته، وفي نجوم كتير مش بيعرفوا يمثلوا زي نبيلة عبيد، ونادية الجندي، وأحمد حلمي، ودرة، وأنا لما بقول كده مش بسيء ليهم دي وجهة نظري.. محمد رمضان عظيم وممثل مهم وموهوب في التمثيل، هو مصنف مطرب ده موضوع هو اللي اختاره“.
استطرد “مرسي“: “بتخض قدام أحمد آدم في التمثيل ده ممثل مهم وخطير وموهوب موهبة غير عادية، بس فين أحمد آدم؟، ومفيش حد نمبر وان، وفكرة محمد رمضان أنه نمبر وان غلط حتى الأستاذ عادل إمام زعيم الشغلانة لكن هو النجم الوحيد اللي حافظ على نفسه ومازال وسيحافظ مدى الحياة.. ربنا يديله الصحة لأن ده اختيار الله واختيار عقل عرف يدير موهبته على مدار تاريخ ودراسة وعلم“.
أضاف: “عادل إمام أكتر الفنانين موهبة، وبعده على طول الأستاذ أحمد زكي، بعديه نور الشريف ومحمود عبد العزيز في مستوى اجتهاد واحد“.
https://fb.watch/gdAznFWqk0/