يسرا اللوزي: اتعرضت للتنمر بعد ما بقيت أم

يسرا اللوزي

هدير عبد الوهاب

تحدثت الفنانة يسرا اللوزي، عن تأثير مواقع التواصل الإجتماعي بشكل سلبي على الصحة النفسية، والتي أدت إلى هوس الناس بالتجميل والاهتمام المبالغ فيه بالظهور بشكل مثالي في الصور طوال الوقت.

قالت “اللوزي” خلال مقطع فيديو نشرته عبر حسابها الرسمي على موقع الصور والفيديوهات “إنستجرام”: أنها تعرضت للتنمر كثيرا بسبب زيادة وزنها بعد الإنجاب، وذلك أثر عليها بشكل كبير وعلى اهتمامها بنفسها، لافتة إلى أن لا يوجد إنسان مظهره مثالي طوال الوقت.

نرشح لك: صابر الرباعي عن التجميل: الجمال المصطنع “مزيف”


تابعت: “أنا ملاحظة إن من ساعة الناس كلها بقت مهتمة بالسوشيال ميديا، ابتدا يبقى فيه هوس بإن إحنا دايما لازم دايما يطلع شكلنا مثالي كإننا طالعين من مجلة، سواء مشاهير أو ناس عادية، كل الناس بقيت تعمل إيديت للصور بتاعتها وبتحاول تثبت دايما للآخرين أن شكلهم هايل طول الوقت، وفي الحقيقة ده مش واقعي بأي شكل من الأشكال”.

أردفت: “إحنا كلنا بشر وبنمر بفترات مختلفة في حياتنا وبأزمات، وده بيأثر على شكلنا وجسمنا، ومفيش أي حاجة عيب في كدة، أتمنى أن إحنا نحترم ده في بعض ونقدره ونهتم أكتر بإن إحنا نبقى كويسين ونفسيتنا كويسة ومرتاحين في حياتنا عن إن يطلع شكلنا حلو وخلاص”.

استطردت: “في الفترة إللي فاتت أنا شخصيا اتعرضت للتنمر كتير على السوشيال ميديا خاصة بعد ما بقيت أم، في بعض الناس بتكتب تعليقات جارحة وسخيفة بتأثر عليا بشكل كبير وتخليني معنديش طاقة أو قوة إرادة إن أنا أهتم بنفسي، بيجيلي إحباط بيخليني مقدرش أقوم من السرير أعمل حاجة مفيدة لنفسي، أتمنى إننا نبقى راحمين ببعض أكتر، ومنتنمرش على بعض”.

التنمر السوشيال ميديا الصحة النفسية رئيسية يسرا اللوزي