عفاف شعيب ترد على هجوم شراء ملابسها من ألمانيا
وصفت الفنانة عفاف شعيب، الهجوم عليها بعد تصريحاتها الخاصة بأنها لا تشتري ملابسها إلا من ألمانيا، بأنها بمثابة “تنمر”•
وقالت خلال مداخلة هاتفية لبرنامج “حضرة المواطن“، الذي يقدمه الإعلامي سيد علي عبر فضائية “الحدث اليوم”، مساء اليوم الأحد: “أكيد بزعل من الهجوم، ليه كده؟ راعوا شعور الناس وبلاش تشيلوا ذنوب، روحوا سبحوا أو اقرأوا قرآن، اللي بيخاف ربنا ميؤذيش مشاعر الناس”
نرشح لك: عفاف شعيب عن ارتدائها للحجاب: مش عايزة الدنيا تاخدني
وأضافت،”قلت باجيب لبسي كله من بره لما كنت بسافر بره، ليه ماتكلمتوش على اللي بيجيبوا فستان بمليون جنيه، مقاسات اللبس الألماني مضبوطة عليا وشكله شيك ومحترم”•
وتابعت: “الألمان مقاساتهم مضبوطة، الملابس من أول لبسة بتكون مضبوطة عليا، وساعات ألف محلات مصر مبلاقيش الحاجة المناسبة، واللي بيهاجموني ناس فاضية ومعندهاش ضمير وحسابهم في الآخرة عسير”.
وكشفت أنها اشترت منتجات محلية، لكنها لم تصمد لمدة يومين، مشددة على ضرورة الاهتمام بالصناعة المصرية في الداخل، كالاهتمام بالملابس المصدرة إلى الخارج.