ياسمين عز تنتقد فيديوهات تصغير ملامح الوجه بـ لاصق "الأمير": كارثة

علقت الإعلامية ياسمين عز، على الفيديوهات التي انتشرت مؤخرا لفتاة “الأمير”، كما عرفها البعض على مواقع التواصل الاجتماعي، بأنها تراها كارثة حقيقية.

قالت “عز” خلال حلقة اليوم الجمعة من برنامجها “كلام الناس”، المذاع عبر شاشة “mbc مصر”: “استفزني فيديو لبنت بتلزق مناخيرها بأمير، لأ وكمان بتنصح البنات يقلدوها، أنا واثقة إنها بتعمل الفيديو ده عشان الناس تتريق وتهاجم وتبقى تريند، في حاجات بنشوفها اليومين دول مش بنعرف نقول عنها حاجة غير إنها مؤذية، مناخير إيه اللي عاوزة تصغريها بالطريقة دي؟ ما أنتي جميلة من غير حاجة”.

نرشح لك: أبرزها لجوئها للمهدئات بعد وفاة محمود ياسين.. 10 تصريحات لـ شهيرة

أضافت: “إنتي عارفة كام بنت عندها هوس تصغير مناخيرها ولما تشوفك هتقلدك؟ اللي بتعمليه ده كارثة، إنتي ربنا خلقك ومحافظ عليكي ليه تعملي في نفسك كده؟ إوعوا تسمعوا كلامها”.

أردفت: “مناخيركم هنبوظ وهيبقى عندكم التهابات ومشاكل أنتوا في غنى عنها، انتوا نسيتوا جمال روحكم وتعاملكم مع الناس ده ركزوا عليه”.

كانت انتشرت سلسلة فيديوهات لفتاة تدعى “منى”، تحاول تصغير أنفها وتكبير فمها وأشياء أخرى من خلال أنبوبة لاصق أمير، وتشجع الفتيات على تجربته، وسط سخرية وهجوم من مستخدمي وسائل التواصل الاجتماعي.

MBC مصر برنامج كلام الناس رئيسية فتاة الأمير ياسمين عز ياسمين عز تنتقد فيديوهات فتاة الأمير