هايدي موسى عن كليب "بغنيله": "أخيرا هتشوفوني بضحك"

قالت الفنانة هايدي موسى، إنها تقدم أغاني درامية منذ مدة طويلة، لافتة إلى أنها بمجرد سماع أغنية “بغنيله” قبل تنفيذها شعرت أنها صنعت لها.

أضافت “موسى” خلال حوارها في برنامج The” Insider بالعربي” المذاع عبر شاشة” تلفزيون دبي”، أن هناك العديد من المشاعر بالأغنية، موضحة: “كنت بقول للناس أخيرا هتشوفوني بضحك في كليب.. أنا بقالي فترة كبيرة بعمل أغاني دراما بس حظي بيجي كده، بكون محضرة رومانسي بس الدراما هي اللي بتغلب وتقرر إننا ننزلها الأول”.

نرشح لك: استمع.. أغنية “يا جميل” لـ خالد سليم

أشارت: “الأغنية فيها سنة غربي وجو لاتيني وفيها ساكس فون والحاجات دي كان نفسي أعملها من زمان، وأنا بحب أسمع چاز وبلوز، أنواع المزيكا دي بتخطفني، وأول مرة أغنيها.. وأول ما سمعتها حسيت أنها بتاعتي”.

أوضحت: “مش عارفة إذا كانت الأغنية مهداة لحد، معنديش حد، ممكن حد برا حياتي لأني كل ما بشتاق له بغنيله، وفي مشاعر كتير في الأغنية”.

أردفت: “أنا نفسي بقالي فترة إني أعمل حاجة عراقي أو خليجي، قعدت مع أستاذ فايز السعيد واخترنا حاجة وبعد كده تأجلت، وبعدين قعدت مع الملحن العراقي علي صابر وإن شاء الله هيبقى بينا تعاون”.

أما عن سبب ابتعادها عن التمثيل قالت “موسى”: “الغناء هو اللي في القلب، ودايما لما أروح للتمثيل بحس إني طاقتي التمثيلية كلها مخرجتش فيه، وأتمنى أعمل حاجة أخرج فيها الموهبة اللي عندي، لأني حاسة أن لسه مجتش الحاجة اللي أطلع فيها كل موهبتي”.

كليب “بغنيله” ‏كلمات محمد بهلول، ألحان مصطفى حامد، توزيع مصطفى غانم، ‏إخراج فادي حداد.