رضوى الشربيني تنفعل على الهواء: أنا منفصلة ومبسوطة
انفعلت الإعلامية رضوى الشربيني بسبب سؤال من إحدى متابعات برنامجها، وصفت نفسها في نهايته بأنها “منفصلة”، في إشارة منها لكونه عيبا فيها.
ردت “الشربيني” على سؤالها، خلال حلقة اليوم الجمعة من برنامجها “هي وبس“، المذاع عبر شاشة “cbc سفرة”، أنها منفصلة هي الأخرى، وأنها لا تعتبر ذلك عيبا بل دليلا على القوة، معلقة: “أنا منفصلة.. منفصلة دي يعني عندك عيب؟ ناقصك حاجة؟ أنا رضوى الشربيني منفصلة، وبشتغل وباخد بالي من بناتي وصحابي، وعايشة وكويسة ومبسوطة وراضية وشاكرة ربنا، ما تتجوزي مرة واتنين وتلاتة مش حلال ربنا؟”.
نرشح لك: نوال الزغبي عن الجمهور المصري: بينا حب حقيقي
أضافت: “مش عاوزة واحدة فيكم تقول جملة “أنا منفصلة” بالطريقة دي تاني، إحنا هنرضى بقليلنا يعني عشان منفصلين؟ أنا منفصلة عشان مقبلتش على نفسي حاجة ناس غيري قبلتها.. أنا أقوى إني قلت لأ”.
أردفت: “أنا منفصلة ومحدش يقدر يتكلم عليا لأني ست محترمة، وبعد كده بيبقى أحسن وأجمل وأقوى، انفصلي وعيشي ولو لقيتي ابن الحلال تاني تمام، ملقتيش تمام”.
في سياق منفصل، قالت الإعلامية رضوى الشربيني، إنها تعمل للمرأة ومن أجل المرأة، كما أنها بعيدة عن وسائل التواصل الاجتماعي.
أضافت “الشربيني” في لقاء لها مع ET بالعربي، عقب تكريمها بجائزة الإعلامية الأكثر تأثيرا لدعمها المتواصل للمرأة بملتقى “she can”، أن السوشيال ميديا مهمة للرجل والمرأة، وبها منافع وأضرار، قائلة: “الناس متخيلة، يمكن عشان الأرقام كبيرة فأنا مهتمة بالسوشيال ميديا بس أنا شخص بعيد تماما عن السوشيال ميديا”.