شاشة

عمرو مصطفى: مبحبش أدفع فلوس للمشاهدات

قال الفنان عمرو مصطفى، إنه قرر عدم إدلاء رأيه عن أغاني زملائه، ففي رأيه القرار الأخير يرجع للجمهور.

تابع خلال لقائه في برنامج “أجمد 7” المذاع عبر راديو “نجوم إف إم” مع الإعلامية جيهان عبد الله: “أنا بحب المشاهدات الأورجانيك، مبحبش أدفع فلوس عشان أجيب ملايين، أنا أخد فلوس مدفعش، بنلاقي 100 مليون ومبنسمعهاش في الشارع، في الآخر نجاحي هو نجاح الشارع، أنا أدفع فلوس عشان الناس تقول لي أنت ناجح، لا أنا لو جبت 5 مشاهدات يعني في 5 يا جماعة بيحبوني”.

أضاف: “أنا كل اللي عندي 71 ألف على يوتيوب، في ناس عندها 10 مليون على يوتيوب والأغاني بتاعتها لو نشروها من غير ما يدفعوا فلوس مش هتجيب 61 ألف اللي جبتهم، وفي فنانين كتير شالوا نفسهم من يوتيوب عشان ميتحطوش في مقارنة”.

أردف: “أنا شهادتي مجروحة في زمايلي، وقررت إني مش هقول أي شهادة ليهم.. ولا حد يقول رأيه في الأغاني بتاعتي، ولا أقول رأيي في أغانيهم، الجمهور هو اللي يحكم وده اللي اتعلمته”.

 

نرشح لك: الخميس المقبل.. روبي ضيفة منى الشاذلي

 

كان المطرب والملحن عمرو مصطفى، طرح أغنيته الجديدة” إلا أنا”، على قناته الرسمية على موقع”يوتيوب”.

أغنية “إلا أنا” هي أولى أغاني ألبوم عمرو مصطفى الجديد، وهي من كلمات مصطفى إسماعيل وعمرو مصطفى، وألحان عمرو مصطفى، ميكساج رون تايلور، ماسترينج كارل.

وجاءت بعض كلمات الأغنية كالتالي:

الا انا انا واجهة غلاف السنة
انا عندي الخلاف حرفنة
لو هتسأل هناك أو هنا
انا بعدي الكلام اتفنى
إلا انا
في أول صف انا وبعدي يجي ناس
وسابق كله انا علشان انا الأساس
يقولو ١٠٠ سنة دا كله كلام اتداس

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock