عمرو مصطفى: بحب المشاهدات الأورجانيك!

قال الفنان عمرو مصطفى، إن الإنسان يأتي للدنيا من أجل توصيل رسالة معينة وليس من أجل كسب المال، مشيرا إلى أن الهدف من موهبته هو إسعاد الناس.

أضاف “مصطفى” خلال لقائه في برنامج “أجمد 7” المذاع عبر راديو “نجوم إف إم” وتقدمه الإعلامية جيهان عبد الله، أنه لا يطلق على نفسه رقم واحد في الغناء أو التلحين، موضحا أنه كان يدافع عن نفسه فقط ولديه تاريخ يقول إنه رقم واحد.

نرشح لك: “الشبح” في “وش وضهر” يحكي كواليس مشهد ضربه لـ إياد نصار

أضاف: “مبعملش فيلمين تلاتة أو مسلسل وأطلع أقول أنا نمبر وان.. أنا مش مغرور ولا بقول أنا رقم واحد بس هما حاربوني واستفزوني كتير”. مردفا: “أنت بتيجي في الدنيا دي عشان عندك رسالة هتأديها وتمشي، أنت مش جاي عشان تكسب فلوس ولا ترقص، أنا بغير مود بني آدم، عارف يعني إيه تخلي واحد من حزين لفرحان! دي عند ربنا كبيرة إزاي، بس في الآخر مبقولوش أشرب كذا وكذا أنا بدي له رسالة حب”.

تابع: “أنا بحب المشاهدات الأورجانيك، مبحبش أدفع فلوس عشان أجيب ملايين، أنا أخد فلوس مدفعش، بنلاقي 100 مليون ومبنسمعهاش في الشارع، في الآخر نجاحي هو نجاح الشارع، أنا أدفع فلوس عشان الناس تقول لي أنت ناجح، لا أنا لو جبت 5 مشاهدات في 5 يا جماعة بيحبوني”.