أيمن القيسوني يكشف كواليس ضربه لريهام حجاج في ”يوتيرن”

يوتيرن
شدوى ممدوح

أوضح الفنان أيمن القيسوني أنه لم يقم بضرب الفنانة ريهام حجاج خلال تصويره لمسلسل ”يوتيرن”، بل قام بدفعها بناءاً على طلبها.

قال ”القيسوني” خلال استضافته في برنامج ”من مصر”، المذاع عبر قناة ”cbc”: ”أنا مضربتش ريهام أنا زقتها بطلب منها كنا داخلين المشهد ولسه شايفها مع اللي أنا شاكك إن في علاقة بينهم فدخلنا البيت والمشهد كان لازم يخلص في حتة بعيدة”.

نرشح لك: رد وفاء عامر على خلاف شقيقتها آيتن وريهام حجاج

أضاف: ”ريهام قالتلي زوقني جامد عشان أوصل لهناك وأنا قولتلها ده بعيد أوي قالتلي زوقني بس فـ زقتها فعلا ونزلت على سنانها ممكن أكون غلط هنا بس هي المفروض كانت تاخد بالها”.

أردف: ”هي لما وقعت اتألمت وأنا كنت مكمل المشهد عادي بس لقيتها بتتألم بجد وكل الناس وقفت وراحت لها، وأنا واقف مش عارف أعمل ايه وقولت لنفسي التصوير راح وهنفركش”.

تابع: ”أنا كنت مسافر تاني يوم فمينفعش نوقف بس ريهام قوية جدا قالت أنا هقدر أكمل وكانت سنتها اتكسرت بس عرفت ترجعها مكانها لحد ما خلصت التصوير واللي أنا سمعته إنها تعبت جدا وعملت عملية”.

يذكر أن مسلسل ”يوتيرن” من بطولة ريهام حجاج، والفنان الكبير توفيق عبد الحميد، وعبير صبري، وكريم قاسم، ومحمود حجازي، ومحمد كيلاني، وصفاء الطوخي، وعبير منير، وهلا السعيد وآخرون، للكاتب أيمن سلامة، من إنتاج جمال العدل، وإخراج سامح عبد العزيز.