رد نور النبوي على عمله في مسلسل "راجعين يا هوى" بالواسطة؟

محمد هيثم
نور النبوي
قال الفنان نور النبوي، نجل الفنان خالد النبوي، إنه لم يفكر فيما سيقال عنه بعد مشاركته مع والده في مسلسل “راجعين يا هوى”، بأنه عمل بالواسطة وما إلى ذلك، ولكن عندما عرض مخرج المسلسل السيناريو عليه أحب شخصية طارق في المسلسل جدا.

تابع “النبوي” خلال لقائه مع برنامج “كلمة أخيرة” مع الإعلامية لميس الحديدي، عبر قناة “on“: “أنا خدت الدور قبلها بـ 3 أيام ملحقتش أفكر هي واسطة ولا لا، لكن أستاذ محمد سلامة كلمني قال لي أنا عندي دور وفي ممثل أعتذر فيه قعدت معاه وكلمني على طارق حبيته جدا.. قريت السيناريو والحقيقة عشقته حبيته جدا ونزلت صورت.. أي حاجة تانية أنا معرفش”.

نرشح لك: خالد النبوي: اخترت شخصية بليغ في “راجعين يا هوى” لأنه كان فيلسوف

وبسؤاله إذا كان أحب التمثيل بسبب والده أوضح “النبوي”: “أكيد دي نسبة، بس لا.. أنا مين اللي خلاني أتفرج على أفلام، مين اللي خلاني أفهم يعني إيه مسرح؟ آه هو.. لكن حبيته إزاي عشان حاجات كتير”.

من جانبه قال الفنان خالد النبوي: “أي حد يجي في باله على طول أن دي واسطة من حقه، عشان ملفش وأدور.. زي بالظبط لما ابن دكتور يدخل الشفوي وياخد درجات أعلى من زمايله بنقلق هو خد درجات في الشفوي أعلى ليه عشان أبوه عميد الكلية أو رئيس القسم، إلى حين يدخل التحريري ونشوف، وإلى حين يمارس ونعرف الوقت هو اللي كفيل بالكلام ده”.

نور النبوي

مسلسل “راجعين يا هوى” من بطولة خالد النبوى، نور، هنا شيحة، أنوشكا، وفاء عامر، أحمد بدير، إسلام إبراهيم، طارق عبد العزيز، نور خالد النبوي، سلمى أبو ضيف، والمسلسل من تأليف محمد سليمان عبد المالك، وإخراج محمد سلامة.