هاني مهنا: مفيد فوزي حبيبي بس بيعمل سيناريوهات

شدوى ممدوح

صرح الموسيقار هاني مهنا بأنه يكن مشاعر طيبة للكاتب مفيد فوزي، رغم نشره لكلام غير صحيح في بعض الأحيان، كما أعرب عن حبه لمطرب المهرجانات الشعبية حمو بيكا.

أوضح “مهنا”، خلال حلوله ضيف على برنامج “سابع سما” مع الإعلامية راغدة شلهوب، عبر شاشة “النهار”: “مفيد حبيبي بس هو ساعات بيعمل سيناريوهات مش حقيقية”.

نرشح لك: توفيق عبد الحميد يعلن اعتزال التمثيل بعد مسلسل يوتيرن

 

ونفى”مهنا” حقيقة زواج عبد الحليم حافظ من سعاد حسني، وأكد أنه لم يختلف مع الكاتب مفيد فوزي في حياته إلا هذه المرة، لافتا: “مزعلتش منه في حياتي إلا لما قال إن عبد الحليم أتجوز سعاد حسني وده محصلش خالص”.

أضاف: “الكلام ده عرفته من حليم نفسه مش من حد تاني وحقيقة الأمر إن حليم فعلا كان بيحب سعاد وهي بتحبه لكن محصلش جواز”.

أما عن مطرب المهرجانات الشعبيه حمو بيكا ومغني الراب ويجز، فقد قال مهنا: “حمو بيكا دمه خفيف وبيبي فيس لكنه مش مطرب ولا مؤدي لكنه يصنف مونولوجست جميل، وبالنسبة لويجز فدي حرية في التقديم وكغنى هو مش مغني واحنا معدناش على الكاريكاتير ده قبل كده”.

وأشاد بزوج ابنته الفنان أحمد خالد صالح فصرح: “ده ابني اللي أنا مخلفتهوش وبحس ساعات كتير أنه غطى غياب ابني تامر، وزاد حبي له لما فقد والدته كمان هو دخل في قلبي بشكل غير طبيعي”.