شاهد.. أغنية "فكك" لـ المدفعجية من مسلسل "أحلام سعيدة"
سالي فراج
طرحت “العدل جروب”، أغنية “فكك” غناء المدفعجية، من مسلسل “أحلام سعيدة” أغنية “فكك”، بطولة يسرا وغادة عادل ومي كساب وآخرين.
الأغنية غناء: المدفعجية، كلمات: كنكا، شيندي، وألحان: المدفعجية، وتوزيع: ديزل، ميكس، وماستر : أسامة طارق.
نرشح لك: القائمة الكاملة لـ مسلسلات رمضان 2022
وجاءت كلمات الأغنية كالتالي:
مش شايفاكوا هما مين دول
ماشية بدوس وبعمل إسكور
أنا ملكة بيبي بردون
لا مش لقمة سهلة في الزور
من يومي أرق وأجمل بنت
بتنطط أنا وأرقص على التت
أنا صدفة بحلي أي مكان
منا دوغري ولا بعجن ولا ألت
فكك فكك فكك شوف مصلحتك
فكك فكك فكك خليك علي راحتك
عايشها لوحدي
مهما كان معايا ناس أنا بردو لوحدي
عايشها براحتي
ناس كتير حواليا عارف مصلحتي
أنا هنسى مشاكلي وبكرة أحلى كدة كدة جامد أنا بنفسي
هنسى الهم وأودعه أرقي وحزني يوسعه
النوم النوم النوم بجري ورا النوم النوم
في الشارع أو الـ home مش في المود
أنا طول اليوم
لا مقلقش أنا لا مقلقش
ومتسألش مبنمش تفهم إيه إنت متفهمش
أنا والوحدة إتنين في كلبش
فكك فكك فكك شوف مصلحتك
فكك فكك فكك خليك علي راحتك
مبربش رمشي مقفلش جفني
عقلي بيون هم بالطن بجري بالحمل
واثق الخطوة مين إللي قال بم، نهدأ ونكن أحلام سعيدة نفسي في النوم نفسي تتهدوا بطلوا اللوم إنتو تتعدوا عدي هاليوم
فكك فكك فكك شوف مصلحتك
فكك فكك فكك خليك علي راحتك
جاية أديكوا العرض المغري
عايزك صاحي معايا ودوغري
دة أنا قاعد نجوم الليل مزهقشي ونفسي في مرة كلامي أنا يمشي
مش فارقالي لوحدي بمشيها
حبة الوحدة فك أعديها
نفسي أنام دماغي أهديها
حياتي أنا حرة مالكوا بس بيها
فكك فكك فكك شوف مصلحتك
فكك فكك فكك خليك علي راحتك
عايز أنام أنام أنام
عايز أنام وأنا هبقى تمام
على المخدة الشك يبان
ملل ملل ومفيش روقان
بس إيزي ميزي عادي كدة خالص
دماغي كدة أنا مش ناقص
غوروا بلا هم أنا كدة كدة فاصل
من الحورات كلام راح طاير
فكك فكك فكك شوف مصلحتك
فكك فكك فكك خليك علي راحتك
إللي قبلنا قالوا
يتعافى المرء بالصحاب
وسمعت كلامهم ونسيت الحزن والإكتئاب
أنا عارف أنا جامد
صامد
هعدي أي محنة
أنا هفضل أعاند
وأغامر
وهنجح في الرحلة
العفاريت حواليا تتنطط
حبة نوم دماغها تتظبط
يمكن load عليا ومسيطر
بكره هتفك بكرة هنظقطط
يوم ورا يوم مافي أي جديد
مش فارقة معايا تعيد وتزيد
أيوة لغيت كل المواعيد
وحبيبي بعيد وسايبني وحيد
مسلسل “أحلام سعيدة” تدور أحداثه حول 3 صديقات يتعرضن لمواقف طوال حلقات المسلسل، لكل منهن شخصية مختلفة المسلسل يميل إلى الطابع الكوميدي.
المسلسل تأليف هالة خليل وإخراج عمرو عرفة وإنتاج جمال العدل وبطولة يسرا، وغادة عادل، ومي كساب، وشيماء سيف، وعماد رشاد، وعدد آخر من الفنانين.