تعليق تامر أمين على إطلالة ويجز بموسم الرياض

علق الإعلامي تامر أمين، على إطلالة مطرب الراب ويجز بحفله الأخير بموسم الرياض، والتي أثارت جدلا واسعا على مواقع التواصل الاجتماعي.

قال “أمين” خلال حلقة أمس الأربعاء من برنامجه “آخر النهار” عبر شاشة “النهار”: “الحقيقة فيه كلام كتير اتقال بس أنا مش هقوله عشان نبقى محترمين ومهذبين، احنا بننصح مش بنشوه ولا بنقطع ونهاجم.. وهو شاب ومفيهاش حاجة إنه يسمع مننا، أنا بستغرب إن الناس بقالها يومين بتبحث اللبس ده تمنه كام.. هو ده اللي انتو توقفتوا عنده؟”.

أضاف: “أنا قصتي حاجة صغيرة.. أنا اتعلمت إن مظهري بيدل على مدى تقديري واحترامي للي أنا بقدمه وللناس اللي أنا رايحلها، عبد الحليم حافظ نجم النجوم كان في زمن لو كان عمل فيه إيه كان بردو الناس هتتقبلها منه.. ومع ذلك طول الوقت كان بيطلع على المسرح والحفلات بمظهر لائق لأنه بيحترم ما يقدم”.

أردف: “مش بقول إنه لازم يلبس كرفتة بس ميلبسش ده، وعشان تعرفوا احنا حصلنا إيه في 60 سنة غنا.. شوفوا صورة محمد فوزي في 1950 وصورة ويجز في 2022”.

جدل كبير كان قد أثير على مواقع التواصل الاجتماعي، في الساعات القليلة الماضية، عقب ظهور الفنان ويجز، بإطلالة غريبة في الحفل الذي أحياه بالأمس ضمن موسم الرياض بالسعودية.