منى الشاذلي: رفضت ظهور ميجا ستارز في برنامجي بسبب ضميري

قالت الإعلامية منى الشاذلي، إنها رفضت ظهور نجوم كبار في أوقات معينة من حياتهم، لعدم رغبتها في استغلال أزماتهم ومخالفة ضميرها المهني.

تابعت “الشاذلي” خلال لقائها مع البرنامج الإذاعي “الراديو بيضحك” مع الإعلامية فاطمة مصطفى، المذاع على راديو “9090”: “في قرارات مهنية صعبة الإنسان القوي هو اللي بيقدر ياخدها، وأحيانا بيبقى النجاح قدام وجايلك على حجرك وتقول لأ مش عاوزه، أوقات بيبقى في شخصية كبيرة وميجا ستار بمثابة صيد ثمين هيجيب فرجة وناس في الوقت ده تحديدا، وهو اللي يطلب يطلع معايا بس أنا أحس إن الشخص ده مش متزن نفسيا في الفترة دي.. فبرفض”.

نرشح لك: صورة.. آخر رسالة بين منى الشاذلي والراحل وائل الإبراشي

 

أضافت: “لأن لو عملنا الحوار في الفترة دي.. هيتأذي طول العمر، أنا قلت لا لميجا ستارز لا يقاوموا، لأنها تبقى جريمة لو وافقت.. وياما نجوم زعلوا مني بس بعد سنين قالوا لي ليكي جِميلة في رقبتنا إن مخلتيناش نطلع وإحنا في الوضع ده”.

أردفت: “ممكن أكون خسرت حلقات قوية بس مخسرتش إنسانيتي ولا ضميري، والبقاء دايما للي عنده صدق مع نفسه ده سبب إن ربنا نجاني من حاجات كتيرة جدا”.

منى الشاذلي

في سياق منفصل، نشرت الإعلامية منى الشاذلي، آخررسالة بينها وبين الإعلامي الراحل وائل الإبراشي، الذي وافته المنية أمس الأحد متأثرا بإصابته بفيروس كورونا.

جاء نص الرسالة التي نشرتها “منى” على حسابها على موقع تبادل الصور إنستجرام: “أمنى ألق شكر على اهتمامك، وأنا واثق من صدق مشاعرك، أنا كويس الحمد لله لسه شوية حاجات بسيطة بعملها علاج طبيعي دعواتك باكتمال الشفاء، ربنا يحميكي، أنت وأسرتك كلها”.

حمادة مراسل إعلام دوت كوم راح يحقق في “#الجريمة” بنفسه، من العرض الخاص للفيلم