كنت فاكراها زي مصر أمان.. ساندي تتحدث عن سرقتها في باريس

كشفت الفنانة ساندي عن تفاصيل تعرضها لحادث سرقة في باريس بفرنسا، موضحة أنها كانت تتسوق وجميع مشترياتها قد سرقت.

قالت “ساندي” خلال برنامج “The Insider بالعربي” المذاع على شاشة دبي: “أنا بالنسبة لي خدت الموضوع ضحك رغم إن اللي اتسرق مش هين يعني، الشوبينج كله، شنط الشوبينج كلها، كل اللي اشتريته”.

نرشح لك: مخرجة مسلسل “suits” العربي تتحدث عن تفاصيله

أضافت: “لبس كتير أوي وشنط وجزم، هي الفكرة إني عديت الشارع علشان اسحب فلوس بالفيزا لصاحبتي، فكان فيه حد مراقبنا علشان الشنط تقيلة وكتير”.

تابعت: “فأنا قولتلها تعالي ناكل، أنا فاكرة بقى عادي زي مصر أمان بقى، تعالي نحط الشنط في العربية، وراكنين قدام فندق مش راكنين في الصحرا، ده في الشانزليزيه يعني، اتاري بقى الناس كلها عمالة تقولي قبل ما أسافر وأنا مكنش في دماغي الفكرة دي، لأني روحت باريس مليون مرة عمري ما اتسرقت”.

ذكرت: “اللي ضحكني أوي، صاحبتي بتتكلم عربي مكسر كده، فبتبص لي من الكسر وأنا الباب مقفول بس صوتها داخلي وأنا مش مركزة إنه الحتة المكسورة هي بتبص لي منها فبتقولي: (سوسو كسروا البتاع وخدوا البتوع)”.


كانت ساندي قد طرحت أغنية “في اللا لا” من كلمات شادي نور، وألحان محمد يحيي، وتم تصويرها في أماكن وشوارع متفرقة في فرنسا.

حمادة مراسل إعلام دوت كوم راح يحقق في “#الجريمة” بنفسه، من العرض الخاص للفيلم

The Insider بالعربي باريس دبي رئيسية ساندي في اللا لا مصر