شاشة

أحمد رزق: اكتأبت بسبب رفدي من المعهد

قال الفنان أحمد رزق، إن أكثر الفترات العصيبة التي مرت عليه في حياته، هي فترة فصله من المعهد.

أضاف “رزق” خلال لقاء جمعه بالفنان أحمد السعدني، مساء الاثنين، في برنامج “بصراحة مع”: “الفترة اللي أنا أترفدت فيها من المعهد كانت فترة عصيبة جدا بالنسبالي، لأن مبقاش في سبب يخلي أبويا يصرف عليا إقامة ومصاريف في القاهرة”.

نرشح لك: أحمد السعدني: “كل ما بكبر بعرف قيمة أبويا أكتر”

 

أشار: “سبب رفدي من المعهد، إني كنت بشتغل ومكنتش بروح، فنسبة الحضور والغياب عملتلي مشكلة كبيرة، اكتأبت جدا، وخدت قرار إني هرجع إسكندرية، ومش هكلف أبويا مصاريف أكثر من كده، والخيرة فيما اختاره الله، ورجعت إسكندرية”.

تابع: “حصل حاجتين بالتوازي هما اللي خلوني استعدت قوتي شوية، أهمهم هو واحد من أهم الناس اللي أثرت في حياتي، الله يرحمه سيد حجاب، وكان عامل بيني وبينه علاقة، لأنه شافني وأنا بمثل في إسكندرية، قبل الشهرة وقبل ما أبقى موجود على الساحة، وبعدين قال أنا عايز أقعد مع الشب ده، وبقينا أصدقاء، وكان بالنسبالي فنان كبير أوي، قالي أنا عايز أطمنك، لأني عارف كل اللي جواك، قولتله إيه في إيه؟ قالي مش كانو بيقولوا إن دي بلد شهادات، قولتله اه، قالي مبقتش بلد شهادات لو عايز مصطلح جديد عشان تظبط حياتك الفترة الجاية، دي بلد كفاءات، حاول تثبت نفسك ووجودك في الشغلانة اللي أنت بتحبها”.

تابع:” الجملة دي قعدت أفكر فيها يومين ثلاثة، وبالصدفة أستاذ رأفت الميهي كلمني في تليفون البيت، وقالي أنا عايزك ضروري النهاردة بالليل في المكتب، ونزلت روحتله أداني أول بطولة فيلم سينما في حياتي، ربنا عوضني، وبالنسبالي العوض جه في توقيت نموذجي”.

أحمد رزق

رنا رئيس تكشف لإعلام دوت كوم تفاصيل دورها في “موضوع عائلي”

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock