حمو بيكا عن نجاحه: لكل مجتهد نصيب
دنيا شمعة
نشر مطرب المهرجانات حمو بيكا، فيديو مجمع يستعرض لقطات له أثناء تقطيعه اللحوم بمطعمه الجديد، ولقطات أثناء إحيائه إحدى الحفلات وسط حضور جماهيري كبير.
علق “حمو” على الفيديو الذي نشره عبر حسابه على “فيسبوك”: “من صغرنا تعبنا وشقينا عشان نعرف نعيش، وعشان منقولش لحد إديني.. عشان نرفع راس أهالينا وسط الناس، مخدنهاش بالساهل والله واتمرمطنا كتير وتعبنا كتير، ولسه بنعافر وبنتعب وبنشقى وبنقف علي شغلنا بإيدينا”.
نرشح لك:سلوى خطاب: أمينة رزق كانت سببا في دخولي معهد التمثيل
أضاف: “زي ما كنا بنسعى عشان ربنا يكرمنا في الأغاني والمهرجانات، بنسعى برضو عشان ربنا يكرمني في مشروعي وبشتغل فيه بإيدي وبتعب مع الناس اللي شغالة في المكان ولو مش مصدق روح وشوف بعينك”.
أردف: ” اسعى وصدقني هتلاقي ربنا بيفتحلك ألف طريق وطريق، بس متتعبش.. لكل مجتهد نصيب”.
في سياق آخر كان حمو بيكا عبر عن استيائه من بعض الأشخاص اللذين يقومون بالتقليل منه لأنه ليس متعلما.
وجه “بيكا” رسالة لمنتقديه عبر حسابه على موقع التواصل الاجتماعي “فيس بوك”، كتب فيها: “طب وايه يعني عندي إخواتي وقرايبي بيقرولي وبيكتبولي اللي أنا عايزه؟ ببساطة محدش فينا أتولد عارف كل حاجة! كلنا كنا مغيبين عن كل حاجة”.
تابع: “وكلنا جهلة.. الدكتور جاهل عن المحاماة.. والمحامي جاهل عن المحاسبة.. والمحاسب جاهل عن المهندس (الكمال لله وحده) محدش كامل. وزي ما قولت أنا منولتش شرف التعليم بس اتعلمت ازاي اشتغل وأشيل مسؤلية، اتعلمت ازاي أشقى من صغري ومقولش لحد اديني”.
استكمل: “زي ما أنا أتعلمت حاجات كتير جدا في الحياة -أنت يا متعلم هتفضل جاهل بيها- فإن حد يكتبلي أو يقرالي، دي حاجة متخصش حد في الدنيا”.