بسمة: مش متضايقة إن الأمومة أخدتني من الفن
بسملة سعودي
تحدثت الفنانة بسمة، عن تجربتها في فيلم “ماكو” الموجود حاليا في دور العرض، وكذلك عن غيابها عن الفن بسبب رعايتها لابنتها.
عبرت “بسمة”، خلال لقائها مع الإعلامي “شريف عامر”، ببرنامج “يحدث في مصر” المذاع على شاشة “mbc مصر”، عن فرحتها بالعودة إلى الفن مرة أخرى بفيلم “ماكو” بعد غيابها فترة طويلة لانشغالها بتربية ابنتها قائلة: “أنا مش مضايقة إن أنا فترة من حياتي تبقى مرحلة جديدة وهي مرحلة الأمومة، أنا فخورة جداً ب ده”.
تابعت: “ولو ده عطلني وخلاني لما أرجع لشغلي تاني اللي بحبه جداً بعد ما بنتي كبرت شوية وشدت حيلها، أبقى كأني ببتدي من أول وجديد برضو ده مش مضايقني، لأنه غير زهوة البدايات في إن أنا شخصياً حصلي تطور معين في شخصيتي، فطبيعي إنه هتناول الأمور بشكل مختلف في المرحلة الجديدة أو البداية الجديدة”.
وعن عودتها للفن بفيلم “ماكو”، قالت بسمة: “الفيلم ده مكنش أول حاجة بعد ما رجعت للقاهرة، بس هو ممكن نعتبره بداية مرحلة المغامرات المجنونة بالنسبة لبسمة.. إن بسمة نفسها تتجنن، بسمة الجبانة اللي آخرها تبلبط على الشط ولازم يبقى لها طول أو تعوم في البسين عشان تضمن إن مفيش سمك حواليها، عملت مغامرة بالنسبة لها على المستوى الشخصي كبيرة جداً”.
نرشح لك: ناهد السباعي عن “ماكو”: “الناس مش مصدقة نعمل فيلم كده”
يذكر أن الفنانة بسمة قد شاركت في فيلم “ماكو” بطولة نيقولا معوض، بسمة، ناهد السباعي، خالد أنور، سارة الشامي والفنان التركي مراد يلدريم وغيرهم. الفيلم من تأليف أحمد حليم، ومن إخراج محمد هشام الرشيدي.