شاشة

محمد علي رزق: عايز ابقى أهم ممثل في جيلي

بسملة سعودي
محمد علي رزق
كشف الفنان محمد علي رزق عن طموحه في مجال التمثيل،  موضحا أنه يتمنى أن يكون إضافة لأي عمل فني، كما أنه يريد أن يكون له تأثير على الجمهور

قال “رزق” خلال لقائه، أمس الثلاثاء، مع برنامج “صاحبة السعادة” المذاع على شاشة dmc وتقدمه الفنانة إسعاد يونس: “دايما لما حد بيسألني نفسك توصل لأيه، بقوله أنا عايز أبقى أهم ممثل في جيلي، يعنى أصل الحلم مش بفلوس، يعني بمعنى أصح جملتي الشهيرة عايز بعد عمر طويل يتقال إن كان في ممثل مهم اسمه محمد علي رزق، أيا كان مكاني فين رقم واحد، رقم اتنين، رقم عشرة، المهم إن أنا أبقى ممثل مهم”.

نرشح لك: “كنت 155 كيلو”.. محمد علي رزق يروي تفاصيل إنقاص وزنه


ذكر أنه يشارك بفيلم “في عز الضهر” بطولة مينا مسعود، مضيفا أن تصوير الفيلم يتم في عدة بلاد والأغلب في القاهرة، وسينتهي التصوير خلال شهرين.

في سياق آخر، استعاد ذكرى له مع إسعاد يونس خلال عرض فيلم “حلم عزيز”، قائلا: “زمان في 2012 فيلم حلم عزيز أنا جيت حضرت العرض الخاص بتاع الفيلم ده، الفيلم ده كان من إنتاج حضرتك، وكعادة الممثليين الصغيرين بيقعدوا في القاعة العادية مع الجمهور، وكان في قاعة VIP بتاعة الممثليين أبطال الفيلم”.

تابع: “حضرتك كنتي بتحبي تتفرجي على الفيلم مع الجمهور مش مع الأبطال، بعد الفيلم أنا كنت خارج من القاعة وحضرتك كنتي خارجة فندهتيلي قولتيلي أنت إيه اللي موقفك هنا، قولتلك أمال أقف فين، روحتي مسكاني من إيدي ومشيتي بيا لحد القاعة الVIP وقولتيلي إنت مكانك هنا”.

يذكر أن الفنان محمد علي رزق شارك فى مسلسل “ضل راجل” بطولة ياسر جلال، نور، ومحمود عبد المغني، ونرمين الفقي، ورنا رئيس، وأميرة العايدي، وأحمد حلاوة، وإنعام سالوسة، وأحمد منير، وعصام السقا، ومحمد يسري، ورباب ممتاز، ولمى كتكت، ومن تأليف أحمد عبد الفتاح وإخراج أحمد صالح، وكان “رزق” يقوم بأداء شخصية معلم بمدرسة، ويقوم بمساعدة زميله الذي قام بدوره الفنان ياسر جلال في حل أزماته.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock