رقصت بالتنورة.. هيدي كرم تحتفل بـ عيد ميلادها
شاركت الفنانة هيدي كرم، الجمهور بمقطع فيديو كشف من خلاله عن الطريقة التي احتفلت بها بعيد ميلادها.
نشرت “كرم” الفيديو عبر حسابها الشخصي على موقع “إنستجرام” وظهرت فيه وهي ترتدي زي راقصين التنورة، حيث رقصت بها أثناء تواجدها في أحد الأماكن العامة.
نرشح لك: شاهد.. أغنية “ملطشة القلوب” بصوت هلا رشدي
وعلقت كاتبة: “عندما تقضي عيد ميلادك بين أشخاص مميزين.. الحب في كل مكان”.
الفنانة هيدي كرم
View this post on Instagram
يشار إلى أن هيدي كرم، كانت قد علقت في وقت سابق على الانتقادات التي وجهت لها بسبب مقطع الفيديو الذي ظهرت خلاله وهي تمارس الرياضة مع نجلها، كما كشفت عن رد فعله على الجدل المثار حول الفيديو.
قالت “كرم” في تصريحات لـ ET بالعربي: “الموضوع أخد أكتر من حجمه كتير في حياتي وعلى السوشيال ميديا وفي الميديا عموماً، ليه مش عارفة، ليه إيه اللي حصل، أنا بقيت ابص على الفيديو وارجع أعيد تاني يمكن في حاجة أنا مش شايفاها”.
أضافت “أنا عامةً بتجاهل ولما يبقى في كومنتات سخيفة أوي بحذف ومش برد وبعمل بلوك، بس ده مقدرش اتجاهل لأن ده في صميم علاقة الأم بابنها، فإحنا لو شايفين إن العلاقة اللي فيها حنية وطبطبة وأحضان وتعبير عن الحب واستمتاع علاقة شاذة، يبقى في مشكلة عند بعض العناصر في المجتمع”.
تابعت: “يعني أنا أفهم إن أنت تهاجمني علشان لبسي أو علشان أعمالي أو اللايف ستايل بتاعي، آرائك ومعتقداتك والحاجات اللي أنت بتؤمن بيها واحترم ده على فكرة ولو حطيت حاجة حسيت إنها ممكن تضايق الناس بشيلها على طول، إنما دي لأ عند علاقتي بابني هقف وهقف جامد”.
وعن رد فعل نجلها، أوضحت: “متأثرش خالص قعد يقوللي أنتي شهرتيني، يعني هو إنسان عاقل والحقيقة زي ما في ناس هاجمتني في ناس أكتر بكتير ساندتني على المستوى الإعلامي وعلى مستوى الرأي العام حقيقة ودي حلاوة مجتمعنا عند المشكلة الحقيقية بيوقف، وهو الحقيقة ماتهزش خالص”.