شاهد.. رأي عمرو أديب في فيلم "مش أنا"
شارك الفنان تامر حسني، متابعيه عبر حسابه على موقع تبادل الصور والفيديوهات “إنستجرام”، مقطع فيديو للإعلامي عمرو أديب، يوضح خلال رأيه في فيلم “مش أنا”.
قال “أديب” خلال الفيديو: “فيلم مختلف يعني فكرة جديدة، مش كل يوم بتتفرج على فيلم مشوفتوش قبل كده، يعني لو في ميزة في الفيلم ده عبقرية ده فيلم أنت مشوفتوش قبل كده، مش عايز أحرق الفكرة لكن هتنبهر دايما، هتحس إن في حاجة جديدة يعني وده شيء جميل”.
نرشح لك: تامر حسني: “مش أنا” يحقق أعلى إيراد أسبوع دولي في تاريخ السينما العربية
تابع: “تامر فنان ذكي عارف إن العمر بالسينما دايما، السينما بتطول عمر المطرب جدا وبتخليه مستمر لمدة طويلة، وبعدين اهتمامه بشغله وكتابته والإخراج والمزيكا بيهتم بكل التفاصيل”.
أشار إلى أن رسالة الفيلم مهمة جدا، وهي أن يكون هناك طموح مهما كانت الصعوبات. مضيفا: “تامر عامل حاجة هايلة، أنا بحيه كان ممكن يعمل فيلم أسهل من كده بكتير، إنما هو اختار يعمل الحاجة الصعبة، الأداء في الفيلم دا صعب جدا”.
من جانبه علق “حسني” على رأي “أديب” كاتبا: “أستاذ عمرو أديب الإعلامي الكبير. بشكرك جدا جدا على كلامك، فعلا رأيك يهمني ومبسوط جدا إن الفيلم عجبك”.
View this post on Instagram
يشار إلى أن فيلم “مش أنا” بطولة تامر حسني، حلا شيحة، ماجد الكدواني، حجاج عبد العظيم، سوسن بدر، محمد عبد الرحمن، ومن تأليف تامر حسني، وإخراج سارة وفيق.