بعد دخولها المستشفى.. فاطمة كشري توضح تفاصيل حالتها الصحية
كشفت الفنانة فاطمة كشري عن تفاصيل حالتها الصحية، وقالت: “أنا كنت تعبانة السنة اللي فاتت من الفتاق، وكنت بتعالج، زاد عليا، روحت لدكتور، قال لازم تعملي عملية”.
تابعت “كشري” خلال لقائها مع برنامج “كلمة أخيرة” المذاع على شاشة ON وتقدمه الإعلامية لميس الحديدي: “عملي العملية، ٤ أيام كنت تعبانة، قولت له الحتة دي وارمة، قالي من شدة التعب، غيرلي ومشي، وبعدين نزفت، جه تاني يوم شاف الجرح وفتح غرزة وقفل غرزة، وبعدين تعبت وبقيت انزل صديد”.
نرشح لك:بعد الهجوم عليه بسبب إريكسن.. محمد صلاح يحذف صورته
استكملت: “فتح الجرح وحط فتيل، بطني وجعتني، قولتله يا دكتور أنا بطني وجعاني، أنا تعبت في الآخر وعملت نداء لسيادة الريس ينجدني، بالليل كلمني واحد وقالي سيادة الريس مكلفنا ننقلك هنا، وجيت المستشفى، ده فضل من ربنا وفضل من الريس، وربنا يشفيني”.
أردفت: “أستاذ أشرف لما سمع ندائي للرئيس، اتصل بيا، فجأة لقيت مديرة أعمال أحمد مكي راحت معايا للدكتور وعملت لي تحاليل، واتصلت بيا نهال عنبر وقالتلي إحنا حاجزين لك عند دكتور، الفنانين كلهم اتصلوا بيا، عمرو عبد العزيز وشيماء سيف وأحمد السقا ومحمد هنيدي ومنة شلبي، وكفاية رضا ربنا عليا ودعاء الناس ليا “.
من جانبه، قال الطبيب المعالج لفاطمة كشري، إنها تعاني من التهاب طفيف في جرح قديم في البطن نتيجة جراحة فتق، مضيفا أن الجرح به التهابات طفيفة تم التعامل معها والقيام بالفحوصات اللازمة وإعطائها الأدوية المناسبة دون الحاجة إلى تدخل جراحي.