جميلة موكب المومياوات تشارك محمد حماقي إعلانه الجديد

طرح البريد المصري إعلانه الجديد بمناسبة حلول شهر رمضان، وجاءت أغنية الإعلان بعنوان “ده وقته” من غناء الفنان محمد حماقي.

يظهر خلال الإعلان محمد حماقي في عدد من شوارع وسط البلد، كما تشارك في الإعلان الموديل والممثلة ميرال ماهيليان وهي الفتاة التي تصدرت موكب نقل المومياوات الملكية يوم 3 أبريل الجاري، وأطلق عليها البعض “جميلة موكب المومياوات”

نرشح لك: كلمات أغنية “حياتك في صورة” لـ محمد حماقي

ميرال ماهيليان عارضة أزياء وممثلة، من أبرز أعمالها: مسلسل “كلبش”من بطولة الفنان أمير كرارة، فيلم “القرد بيتكلم” من بطولة أحمد الفيشاوي، عمرو واكد، ريهام حجاج، وسيد رجب، محمود الجندي، رانيا شاهين، ومصطفى أبو سريع، ليلى عز العرب، تميم عبده، وتأليف وإخراج بيتر ميمي، وتدور أحداثه حول ساحرين شقيقين وهما طه ورشاد الشناوي، يحضران لخدعة سحرية قادرة على إطلاق سراح والدهما البرىء من السجن.

و مسلسل “للحب فرصة أخيرة” من بطولة داليا البحيري وفراس سعيد كل من، أميرة العايدي، ريم سامي العدل، أمل رزق، هبة الأباصيري، أحمد عبد الله، مراد مكرم عمرو عابد، عزة بهاء، حنان يوسف، أحمد يحيى، عمر زهران، محمد غنيم، من تأليف شهيرة سلام وإخراج منال الصيفي.

وتقول كلمات الأغنية:

إكسب وقت

وماتستناش حلم يجيلك، إجري وروحله

لو خبّط على بابك بكرة قوم وافتحله

ده مافيش أسرع م الأيام

انت الضهر

انت السند اللي بيسندهم وبيحميهم

طول ما عيونك على بكرة وبتفكر فيهم

الأحلام هتجيب أحلام

وده وقته، ده وقته، دي السكة اللي هتمشيها

واللي انت بدأته، كمله، دي حياة بتبنيها

دلوقت أعملها، في حاجات لما نأجلها

بيكون صعب نكملها، طب ليه نتأخر فيها

طول الوقت

وانت وجودك هو السر اللي مقويهم

وبتاخد من عمرك دايماً وبتديهم

دايماً بتبص لقدام

وده وقته، ده وقته، دي السكة اللي هتمشيها

واللي انت بدأته، كمله، دي حياة بتبنيها

دلوقت أعملها، في حاجات لما نأجلها

بيكون صعب نكملها، طب ليه نتأخر فيها

وهي من كلمات أمير طعيمة وألحان عمرو مصطفى.

يذكر أن الفنان محمد حماقي كان قد طرح آخر البوماته الغنائية عام 2019 مع شركة نجوم ريكوردز، والذي يحمل اسم “كل يوم من ده”، وتضمن العمل في ذلك الوقت 20 أغنية.