تامر أمين عن شائعة ارتباط غادة عادل وشاكوش: كده بنمس أعراض
دنيا شمعة
علق الإعلامي تامر أمين، على شائعة ارتباط الفنانة غادة عادل، بالمطرب حسن شاكوش، قائلا إنها شائعة لا يوجد أي سبب لانتشارها.
قال “أمين” خلال حلقة اليوم الأربعاء، من برنامجه “آخر النهار” المعروض عبر شاشة “النهار”: “ربما الصورة فيها قدر من الحميمية بس الفنانين بيتصوروا كده، وكل يوم بنلاقي صور الفنانين في الأفراح والمناسبات بالشكل ده، اشمعنى دي اللي خدتوها وعملتوا منها كل ده؟”.
نرشح لك: هراء.. غادة عادل تنفي ارتباطها بحسن شاكوش
أضاف: “وبعدين إيه اللي جاب القلعة جنب البحر؟.. مع كامل احترامي للاتنين بس مش ماشيين مع بعض”.
أردف: “الناس دول ليهم أهل، اه غادة مطلقة وملهاش زوج بس ليها أولاد، ولما الولاد دول بقى يفتحوا السوشيال ميديا ويلاقوا صورة مامتهم ومكتوب ارتبطت بفلان يبقى شعورهم إيه.. إحنا كدة بنمس أعراض وبنمس سمعة وبنمس شرف”.
View this post on Instagram
يذكر أن غادة عادل كانت قد نشرت صورة عبر حسابها الشخصي على موقع “إنستجرام” وعلقت عليها كاتبة: “حسن شاكوش فنان محترم ولقائي به لم يتعد متابعتي لفقرته الغنائية وصورة فوتوغرافية”.
تابعت: “أي كلام قيل أو كُتب بخلاف ذلك ما هو إلا هراء من نسج خيال كاتبه أو قائله”.
View this post on Instagram