حنين حسام: قلعت الحجاب عشان اتقالي أني بشوه سمعته

دنيا شمعة

اعتذرت حنين حسام، عن خطأها في أغلب تصرفاتها قبل القبض عليها، وأعلنت فيه عدم رغبتها في تلقيبها بـ”هرم مصر الرابع” مرة أخرى.

قالت “حنين” خلال فيديو نشرته عبر حسابها على موقع تبادل الصور والفيديوهات “إنستجرام”: “حنين حسام غلطت في إيه؟.. حنين حسام غلطت أنها كانت متكبرة، وكنت بقول أني هرم مصر.. ليه؟ عملت إيه عشان أبقى هرم مصر؟ عندي قوة تحمل؟.. طب ما فيه ناس كتير عندها أمراض الدنيا ومبتطلعش تقول أنا هرم مصر ومبتتكبرش على حد”.

نرشح لك: محامي حنين حسام: جدل “التيك توك” بسبب التطرف الديني

أضافت: “كنت برد على أي حد وأي حاجة.. ده كان غلط، كنت بلبس لبس ضيق أه، ولبس ملفت أه، ولبس مينفعش على الطرحة أه، لأ وكنت بطلع وأجادل.. وده كله كان غلط لأن ربنا قال إن الحجاب لا يصف ولا يشف.. فلما اتقالي أنتي كنتي بتشوهي سمعة الحجاب كان صح”.

أردفت: “فأنا قررت أقلع الطرحة لحد ما ربنا يهديني للحجاب اللي مفهوش أي حاجة غلط، وهخلي كل حد متابعني الفترة الجاية فخور إنه بيتابع حاجة ليها لازمة، وهعمل محتوى بإذن الله الناس كلها تقول إنه محتوى كويس”.

اختتمت: “أنا أسفة أني استفزتكم وأسلوبي كان وحش في حاجات كتير، وده كان درس من ربنا بيعرفني إن فيه حاجات كنت غلطانة فيها.. مفيش بعد كده حاجة اسمها هرم مصر أنا مستحقش الاسم ده واسمي حنين حسام بس”.

إنستجرام حنين حسام رئيسية نيوز ليتر هرم مصر الرابع