تفاصيل مشهد تم إعادته 26 مرة لحسن حسني في "الباشا تلميذ"
كشف المخرج مجدي الهواري، عن تفاصيل المشهد الذي تم إعادة تصويره 26 مرة في فيلم “الباشا تلميذ”، بسبب إيفيه الفنان الراحل حسن حسني.
نشر “الهواري” عبر حسابه الشخصي على موقع “إنستجرام” صورة من المشهد، وعلق عليه كاتبًا: “من كواليس المشاهد التي لا تنسى من أفلامي للعظيم حسن حسني .. وكريزة ضحك أخرى لم تتوقف لمدة نصف ساعة بسبب مفاجأة عم حسن على الهوا وهو بيقول اعقلوا الكلمة، فاجئنا فاضحكنا كلنا فضحك كريم عبد العزيز ومقدرش يوقف ضحك من ساعتها لحد النهاردة”.
نرشح لك: عابد فهد يرد على اتهامات عدم امتلاكه الموهبة
تابع: “كل ما نفتكر أنا وهو ورامز جلال، يوم تصوير المشهد ده تلقائية عم حسن حسني، نضحك والله لحد دلوقتي وبعدين قال إسأل شهاب ولا انت مبتنزلش.. كان عبقري في إضافة الإيفيه في التصوير بشكل تلقائي دون المساس بالنص أو بكلام المشهد وكل ده في الشوت على الهوا وعفوي”.
أضاف: “اتفرجوا علي الفيلم وشوفوا ضحك كريم عبد العزيز الحقيقي والله مكنش بيمثل، رغم إعادة التصوير للمشهد 26 مرة وفي الآخر اضطرنا ناخد المشهد بضحكه الحقيقي.. لأننا لم نستطع السيطرة على الناس ديه لما تتجمع في مشهد، غير كتير مواقف في الفيلم عايز اكتب عنها سنة كاملة”.
اختتم: “وتبقى احكي كمان على موقف خالد صاوي وأسرة مع بعضينا في طابا وربنا يستر على اللي هيحصل لأول مرة نشر هذه المواقف، وبالذات في مشاهد اللي بتجمع حسن حسني مع كريم عبد العزيز، زي مشهد يا فاشل يا فاشل، حازم حازم، بسيوني بسيوني، هو ومحمد لطفي يااااه والله أيام كانت جميلة والممتع أكتر كواليس الفيلم، الله يرحمك يا عم حسن يا نادر، ويرحم عم سعيد طرابيك، ومن ساعتها يا سادة بقيت واحدة من العلامات الفيلم ده”.
View this post on Instagram
يشار إلى أن فيلم “الباشا تلميذ” تم عرضه لأول مرة عام 2004، وهو بطولة كريم عبد العزيز، غادة عادل، رامز جلال، حسن حسني، محمد رجب، محمد لطفي، مها أحمد، وتأليف بلال فضل، وإخراج وائل إحسان.