رامي رضوان يكشف تفاصيل تجربته مع كورونا

دنيا شمعة

روى الإعلامي رامي رضوان، تفاصيل إصابته بفيروس كورونا وتعافيه منه، خلال أول ظهور له في حلقة اليوم الثلاثاء من برنامجه “مساء dmc” بعد التعافي.

قال “رامي”، إنه أهم شيء في فترة العزل هو العامل النفسي، وتقبل الإصابة بالفيروس، والدعاء لله بالشفاء، وآخر شيء هو العلم.

نرشح لك: لميس الحديدي: أرقام الإصابات تدل على ذروة الموجة الثانية لكورونا

أضاف: “خدعوك فقالوا إنه دور برد عادي.. بس هو مش دور برد ولا حاجة، أه فيه أعراض شبيهة لدور البرد بس هو مش دور برد، وفيه أعراض جديدة ظهرت ليها علاقة بالجهاز الهضمي زي الإسهال.. ده غير تكسير الجسم، أنا أول 3 أيام من الإصابة تكسير الجسم كان بشع.. بالعافية كنت بقوم اتوضى”.

أردف: “فيه ناس بتبعتلي عاوزه بروتوكول العلاج، الحقيقة إني مقدرش أقوله لأنه بيتغير على حسب الأعراض.. أنا مثلًا بدأت ببروتوكول أول يومين وبعدها غيرته، وكل دكتور بيدي بروتوكول مختلف بس هي هي نفس المادة الفعالة”.

استكمل: “كنت بشحن نفسي بطاقة إيجابية عشان أقنع نفسي إنه ربنا هيكرمني وأتخلص من الفيروس.. الأكل كان بالنسبالي جزء من العلاج ومش قادر آكل، كنت عايش على شوربة الخضار وشوية فواكه، وبطبيعة الإنسان على اليوم الخامس بنزهق بس لازم تقاوم”.

اختتم: “متقلقوش بس متستهتروش.. أهم حاجة العامل النفسي، أهو فيروس وجه، توكل على الله وابدأ في رحلة العلاج”.