سيد علي يطالب القوات المسلحة بالاعتذار لباسم يوسف
طالب الإعلامي سيد علي، القوات المسلحة المصرية بالاعتذار للإعلامي الساخر باسم يوسف، والدكتور عصام حجي، لصدق “ما قالوه عن جهاز (كفتة عبدالعاطي)”.
وقال “علي” خلال برنامجه “حضرة المواطن” على قناة “العاصمة”، مساء الاثنين، إنه على القوات المسلحة أن تقدم اعتذارا لباسم يوسف، بعدما خاض حملة محترمة لكشف جهاز عبدالعاطي، وهاجمه الجميع”.
وأضاف: “جهاز الشؤون المعنوية وأولى الأمر في مصر بيتعاملوا مع الشعب كإنه خرفان، ومحدش بيطلع يعبرنا بأي كلمة، ولا حد طلع حتى عرفنا وضع الجهاز أيه لحد دلوقتي”.
وتابع: “نفس الحكاية لعصام حجي، وأنا بعتذر شخصيا له بعدما هاجمته وصدقت كلام المسؤولين في مصر، كنت مصدق البهوات بتوع الشؤون المعنوية اللي بتتعامل معانا كأننا خرفان، وبتبعت لنا وإحنا ننشر دون تحري وتدقيق وراء كلامها”.
واختتم علي حديثه قائلًا: “أنا عارف إن الكلام ده ممكن يعملي أزمة، ولكني لا أخاف وأقول الحقيقة”.