بدرية طلبة تروي تجربتها مع التنمر
إسراء إبراهيم
كشفت الفنانة بدرية طلبة، عن تعرضها للتنمر قبل شهرتها، إذ أنها كانت مريضة بالغدة واتهمها أحد الجمهور بتعاطي المواد المخدرة.
شاركت بدرية عبر حسابها على موقع تبادل الصور “إنستجرام”، فيديو الفنان أحمد حلمي الذي شارك به في حملة “ضد التنمر”، وعلقت عليه قائلة: “حصلتلي فعلًا كنت مريضة بالغدة ومكنتش أعرف اللي بيحصلي ده من أعراضها كانت مخلية وزنى ٤٥كيلو وجاحظة عينى ومسببة لي زي شلل رعاش وعدم توازن”.
نرشح لك: شاهد: قصة تعرض أحمد حلمي لـ “التنمر”
تابعت: ” كنت على المسرح ووقعت وأنا بحاول أقوم سمعت واحد فى الصف الأول بيقول البنت دى بتشم خلاني ادمرت نفسيًا، لأنى أصلًا مش مدخنة وممنوع اتواجد في مكان فيه دخان، لأني مريضة صدر وعلشان كلامه الجارح ربنا اكرمنى بدكتور واستأصل الغدة اللي كانت خبيثة لكن قالي رجوعى لحالتي الصحية ولوزني وشكلى الطبيعي حياخد سنين بعد العملية”.
أردفت: ” كنت كل ما أشوف حد بيتكلم ويبص عليا أفكر أنه بيقول نفس الكلام الجارح لحد ما شفت فيلم أسف على الإزعاج، اللي غير مجرى حياتي وخلاني افترض حسن النية في اللي بيتكلم أو بيبص لي”.
أضافت: ” وفعلًا كان ربنا أكرمنى واتعرفت والناس بيتكلموا على طعامتى وخفة دمي، وكان ربنا أكرمنى وجبت مكياج داريت الهالات السودة وحبيت عيبي وحبيت الهالات السودة، وهي حبتني وتعايشنا مع بعض وحمدت ربنا أنه أكرمنى بعيب بقدر أداريه بالمكياج”.
اختتمت حديثها قائلة: ” اللي بيقوله الأستاذ أحمد حلمي مهم، أوعى تدوس على جرح حد وتعايره بأي عيب فيه حرام حرام حرام، تسلم يا برنس”.