مينا فريد يتخيل: ردود أفعال الإعلاميين على كلب شارع الهرم
لا يوجد إنسان طبيعي سوي في أي مكان في العالم يقبل أن يتم تعذيب روح بأي شكل و بأي طريقة فما بالك بهذا الشكل الهمجي الذي رأيناه جميعا على شبكات التواصل الإجتماعي …
و لأنه حديث الساعة الآن فمن الطبيعي أن جميع البرامج في مختلف وسائل الإعلام ستتناول هذا الموضوع و ستدخله في جميع موضوعاتها بطريقة أو بأخرى….
بعين الخيال إعلام . أورج تتخيل ردود أفعال أشهر الإعلاميين …
أحمد موسى :
أقسم بالله اللي عملوا كده قطريين أو إخوان متنكرين أو أعضاء في حماس .. بس إحنا واخدين بالنا و شايفين و عارفين كل حاجة … مؤامرة خسيسة …
عمرو أديب:
دول قتلوا الكلب ..شوف شوف .. بيموتوه إزاي … دول مش بني آدمييين .. أقسم بالله ما بني آدميين دول ولاد ستين كلب
من يجلس بجواره في مردات مكرره … صحيح… عندك حق …. أنا حزين …. الدين عمره مايقول كده ..الكلب أكيد اتشهد قبل ما يموت .
وائل الإبراشي :
سيستضيف صاحب الكلب و الذين قتلوا الكلب والشهود على قتل الكلب و سيحاول بكل حيادية جاهدا أن يجعلهم يتشاجروا في الأستوديو … أكاد أسمعه ” جه قتل كلبك و إنت ساكت .. أين النخوة … كلبك الذي حماك … يقتله و تسيبه … “.
ريهام سعيد :
كعادتها ستفاجئنا جميعا .. ستستضيف دجالا يستحضر روح الكلب القتيل و تقيم معه حوار حصري .. و بعدها ستنزل إلى الشارع في سيارة نصف نقل مكشوفه و تقوم بإطعام كلاب الشوارع في فمها …
جابر القرموطي :
سيتم الإتفاق على توريد 12 كلب أشكال مختلفة للتصوير… و هناك تكتم حول ماذا سيرتدي جابر القرموطي في هذه الحلقة.
منى عراقي :
فيديو حصري مستخبي لمن قتلوا الكلب أمام الحمام إياه …
لميس الحديدي :
هنستضيف النهاردة نجوم ستار أكاديمي للمرة السبعتاشر … و هيغنيلنا محمد شاهين الكلب اللولو .. أغنية فيلم صاحب صاحبه… رائعين يا شباب والله رائعين ..
توفيق عكاشة :
شباب الأولتراس … وإخوان الشيطان .. إبحث عنهم هتلاقي واحد منهم هو اللي سخن الشباب … كان عندنا في البلد عيل صغير فطّس قطة في الترعة .. بهدلته هوه و أبوه .. و من يومها مفيش حد أهان حيوان …أنا مربي بطتين بعاملهم أحسن معاملة .. أنا يا فلاح …هقول إيه .. يلا … يا عز .. فين فيديو البطة اللي بتعوم في الترعة يا عز…
أحمد شوبير :
لييييه … لييييييييه …. تعملوا كده في الكلب ليه … يرضي مين .. يرضي مين
هبة قطب :
الوضع اللي إتربط فيه الكلب ده كان غلط … طالما بدأ الوضع غلط كل حاجة بتبوظ بعد كده …
أسامه منير :
بكل الحب .. هنتكلم عن حبنا للكلاب.. هنستنى تليفوناتكم تحكولنا عن اللحظات المفرحة و القاسية و الحزينة و الوفية في علاقتكم بكلابكم .
الشيف حسن :
هنعملكم النهاردة أكلة كوري بس هنستبدل لحم الكلاب اللي بيعملوا بيه بلحم خروف … ندبح كلب ؟ إزاي .. شوف الكلب جميل إزاي .. يا جمالو يا جمالو .. و ناخد إتصال تليفوني .. أيوه يا هانم ….
خالد صلاح :
للأسف ..غالبا لا يوجد وقت كافي لفريق عمل البرنامج لحلقة جديدة … الحلقة الثورية جدا التي إستضاف بها أحمد عز لا يزالوا يحسبون عائد إعلانتها حتى الآن.
للتواصل مع الكاتب اضغط هنا
اقرأ أيضًا:
مينا فريد: كيف تصبح محللًا رياضيًا في تسع خطوات
مينا فريد: العودة إلى الأبيض والأسود
تابعونا على تويتر من هنا
تابعونا على فيسبوك من هنا