إبراهيم سعيد: بناتي مبيغلطوش فيا.. بس بيهددوني بالحبس!
علق إبراهيم سعيد، لاعب منتخب مصر السابق لكرة القدم، على الفيديو المتداول عبر مواقع التواصل الاجتماعي، لسيدة تتعدى بالسب ونجلها على طليقها، مشيرًا إلى أزمته مع بناته.
نشر "سعيد" مقطع فيديو عبر حسابه الرسمي على موقع التواصل الاجتماعي "فيس بوك" قال فيه: "أنا بناتي متربيين مبيشتمونيش.. بس حبسوني 4 شهور".
تابع: "عمرهم ما غلطوا فيا، لكن بيهددوني ويحبسوني رغم إني أبوهم.. ورافعين عليا 45 قضية".
أضاف: "العيب على التربية وعلى الأم اللي بتكرههم في الأب.. في ناس بتقول إني مبدفعش لكن لا بدفع وهما واخدين حقهم".
أكمل: "بيقولوا البنت حبيبة أبوها، دلوقتي بتسجن أبوها.. أنا بقولكم إني مش صافي من ناحيتكم، وربنا هيقعدهالكم في حياتكم ومش هتكسبوا ولا هتشوفوا نجاح.. حسبي الله ونعم الوكيل فيكم وأنا مش مسامحكم".