عمرو محمود ياسين عن إصابة زوجته آيات أباظة بالسرطان: التفاصيل مرعبة!
تحدث السينارست عمرو محمود ياسين عن مرض زوجته الإعلامية آيات أباظة، مؤكدًا أنهما مرا بفترة صعبة للغاية، كما أشار إلى قصة حبهما التي بدأت منذ لقائهما في المرحلة الثانوية، مضيفًا: "هي عاشت معايا أكتر ما عاشت مع أهلها".
وقال عمرو محمود ياسين في لقائه مع الإعلامي أحمد سالم ببرنامج كلمة أخيرة عبر قناة ON: "خضنا تجربة علاج السنة اللي فاتت بأدوية وجراحة وخلصنا واحتفلنا ببشائر الشفاء ودخلت اشتغل وننسى اللي كان، وبعد ما المسلسل خلص، بنعمل فحص اتضح فيه مشاكل وبدأنا رحلة علاج جديدة، يمكن الكلام ده سهل، لكن التفاصيل صعبة جدًا”.
نرشح لك: هاني عادل يروي تجربته مع الاكتئاب
وأضاف عمرو محمود ياسين متأثرًا: “وأنت رايح تعمل الفحص مش عاوزين نسمع إلا كلمة واحد كله تمام، لكن الدكتور بيقولك لسه النتيجة، وبفضل قاعد كل الوقت ده في حالة رعب حقيقي، اللحظة اللي بيجي فيها نيتجة الفحص بشوفه ولاقي فيه مشكلة وهي تسألني إيه الأخبار بعيش تفاصيل صعبة، هي مش متخيلة أن فيه حاجة، وعلشان اقول واشرح صعبة جدًا، التفاصيل مرهقة.. الناس بتسأل إيه الأخبار وإحنا بنعرفهم، لكن الليالي دي بتعدي ازاي من ألم وتعب وإرهاق”.
وأكمل:"عرفت آيات من أولى ثانوي وقرأنا فاتحة بعد ثانوية عامة وتالتة جامعة اتخطبنا ورابعة اتجوزنا، من هنا تيجي صعوبة التجربة، لأنها عاشت معايا أكتر ما عاشت مع أهلها".
