هاني عادل يروي تجربته مع الاكتئاب
كشف الفنان هاني عادل عن مروره بفترة صعبة عقب طلاق سابق، قبل زواجه من الفنانة اللبنانية دياموند بو عبود، مشيرًا إلى أنه كان يعيش بمفرده في المنزل الذي كان من المقرر أن يجمعه بزوجته آنذاك أثناء تحضيره لأغنية "شمس النهار"، مؤكدًا أنه أصيب بالاكتئاب نتيجة تلك الظروف.
قال "عادل" خلال لقائه ببرنامج "الستات" المذاع على شاشة "النهار" وتقدمه الإعلاميتان مفيدة شيحة وسهير جودة: "أحيانًا كنت بسكت، بس العيب اللي فيا إني لما كنت بنفجر في اللي قدامي، ما كنش بيبقى عارف أنا عملت كده ليه".
أضاف: "ممكن أستحمل سنين، وأنا أصلا برج العذراء، وبرج العذراء ما بينسوش وبيهتموا بالتفاصيل، ولو حطتهم في مواجهة هتلاقيه مهتم بحاجات ما حدش كان واخد باله منها".
وفي سياق آخر، كشف هاني عادل عن واحدة من أصعب فترات حياته قائلاً:" لما عملت أغنية (شمس النهار) كنت مكتئب لأني كنت بطلق وقتها، وكنت قاعد في البيت لوحدي، وهو كان نفس البيت اللي كنا هنعيش فيه ".
استكمل: "ما كنتش مكتئب وزعلان أكتر ما كان فيه مواجهة مع نفسي، والحياة اللي جاية هعمل فيها إيه.. كنت صغير لسه وكنت بدور على السعادة".