نيللي كريم: اتعرضت لمواقف مزعجة بسبب المعجبين
تحدثت الفنانة نيللي كريم عن موقفين مزعجين مرت بهما مع أشخاص ادّعوا علاقتهم بها، أحدهما أمام الأوبرا والآخر أمام منزلها، مشيرة إلى تدخل الأمن في الواقعة الأولى.
قالت "كريم" خلال لقائها ببرنامج "مساحة خاصة" المذاع على قناة "المشهد" ويقدمه الإعلامي علي ياسين،: "حصل لي حادثتين كده مش لطاف خالص، أول واحدة حصلت لي وأنا بشتغل في الأوبرا، كنت مثلت حاجات صغيرة وكنت عملت فوازير بس مرة وأنا راجعة بالليل الساعة 8 لقيت واحد واقف على جنب وبيقول لي عايزك يا مريم".
نرشح لك: ميسرة عن رانيا يوسف: عملت لنفسها "شو" عشان تشتغل!
أضافت: "كان واقف في الضلمة وكان شكله غريب جدا، وبيقول لي أنتي نسيتيني! أنا خطيبك، وعمل كده تاني يوم وطلبت له الأمن وجبنا اسمه وطلع عنده اضرابات نفسية".
استكملت: "تاني واحدة كنت عايشة في لزمالك وصاحبتي كانت عايشة معايا في نفس العمارة وكان عندها معرض، الباب خبط فكرتهة صاحبتي وفتحت وأنا بهدوم البيت لقست راجل غريب وماسك كيس في إيده، وبيقول لي هتفضلي موقفاني كده؟ بقول له أنت مين! قال أنا معجب، وقال لي ما وصلتكيش الهدايا؟".
أشارت: "طلع كان قايل لصاحبتي أنا عايز أجيب هدية لنيللي أصل إحنا مخطوبين وهنتجوز".
اختتمت: "أنا ما عنديش حد صاحبي الأنتيم.. يعني حبيت قوي يسرا، بعشقها، وبوسي برضو نعرف بعض من زمان، وإلهام شاهين اشتغلنا مع بعض وهي ست جميلة".