أمنية طريفة لـ جيلان علاء في عيد ميلادها: نفسي في مكنسة!
احتفلت الفنانة جيلان علاء بعيد ميلادها الـ 38، ووجهت رسالة إلى نفسها بهذه المناسبة، أشارت فيها إلى أمنياتها لعامها الجديد.
نشرت "علاء" مقطع فيديو عبر حسابها الرسمي على موقع التواصل الاجتماعي وتبادل الصور والفيديوهات "إنستجرام" قالت فيه: "كل سنة وأنا طيبة، أنا كملت 38 سنة وأفتخر".
تابعت: "كل سنة وأنا بحب الناس جدا والناس بتحبني.. السنة دي نفسي ربنا يوفقني وأحقق كل اللي نفسي فيه على صعيد الشغل.. ونفسي في مكنسة".
أضافت: "أنا بحب التنضيف اوي وعندي (OCD - وسواس قهري) ونفسي في مكنسة تريحني.. محتاجة اللي بيفهم وبيحب النضافة اوي يبعتلي أكتر مكنسة مريحة، عايزة مكنسة فيها بخار، وموطيش عشان عندي مشاكل في ضهري، وتشيل كل البقع اللي ممكن تبقى على الكنبة والسجادة.. ساعدوني".