محمود سعد: "لو متقبلتش النقد والرفض أبقى منافق!"
رد الإعلامي محمود سعد على سؤال هبة شلبي، رئيس تحرير برامجه، الذي تقول فيه: "ليه لما حد بيهاجمك أو بيقول فيك رأي سلبي حتى لو تجاوز ما بتردش؟".
قال "سعد" في فيديو نشره عبر حسابه الرسمي على موقع تبادل الصور والفيديوهات "إنستجرام": "اللي بيشتم ده بيصعب عليا، لأن معندوش حاجة يقولها فبيشتم، وفي ناس ما بتحبنيش لأن الواحد لما اشتغل من حق الآخر يبص عليه ويقول رأيه.. ممكن يكون كلامه صح أحيانا أو خارج من فهمه للأمر".
نرشح لك: بعد سنوات من توقفه.. عودة برنامج "براعم الإيمان" على إذاعة القرآن الكريم
تابع: "طالما قدمت شيء فيه آراء طبيعي ناس تقبله وناس ترفضه.. ولو أقنعت نفسي أن لما الناس ترفضني ده شيء فظيع أبقى أنا راجل مخبول أو منافق، أنا بختار حسب علمي في يحبها أو يشوفها وحشة.. فلو حد كتب الحلقة الفلانية وحشة، مينفش أقوله حلوة، لأن هي وحشة من وجهة نظره".
أكد محمود سعد: "أنا بتعلم، في ناس تكتب حاجة تفيدني.. لأن أنا بعمل حاجات وتطلع وشحة وبغلط.. فأنا أنا بعمل حاجات حلوة وحشة.. وده مبيأثرش فيا.. مفيش حد بيمر عليه يوم من غير ما يعمل حاجة غلط، بس الكلام ميبقاش فج ومؤذي".