الدويتو الثاني مع زوجته.. شاهد: أغنية "دوخناك يا فراق" لـ رامي جمال
طرح الفنان رامي جمال أغنية جديدة، ولثاني مرة بمشاركة زوجته ناريمان، تحمل اسم "دوخناك يا فراق" عبر قناته الرسمية على موقع الفيديوهات "يوتيوب".
أغنية "دوخناك يا فراق" من كلمات أيمن عز، ألحان محمود أنور، توزيع محمد مجدي، جيتارات مصطفى نصر.
وجاءت كلمات أغنية "دوخناك يا فراق" كالآتي:
يا فراق تعالي.. رجعتنا و محصلش جديد
زعلنا أهو بيكبر ويزيد
بقينا نستحلى الوجع وبقينا بندور عليه
يا فراق تعالى.. مفيهاش المرة دي رجوع
ملك إيديك أنا هبقي طوع
نفسنا وياك انقطع
بنروح ف ايه و نرجع ف ايه
دوخناك يا فراق
معلش إحنا الاتنين أسفين
ومفيش عِشرة وخوف من بكرة يعملوا فيك أسافين
و بوصيك لو يوم حنينا.. متصدقناش تبّت فينا
لا أنا ولا هو في يوم هنعمر مع بعضنا ساعتين
يا فراق تعالي من بعض إحنا استكفينا بقيت قريب أوي لينا
بقينا عشاق من ورق و الحب ملناش دعوه بيه
يا فراق تعالي…ولا حد فينا خلاص باقي..
و ملكش ذنب ف ده نهائي معلش عاملينلك قلق و علينا زعلان بس ليه ؟!
وكان أعلن الفنان رامي جمال عن أغنية "دوخناك يا فراق" عبر حسابه الرسمي على "إنستجرام"، معلقا: "(دوخناك يا فراق) أغنية مع ناريمان اللي بحب صوتها وبحترم موهبتها واحترامها لرغبتي بإن الفن يبقى هواية ليها مش احتراف، وعشان كده كل فنرة لازم يبقى لها تراك محترم".
يذكر أن آخر أغاني الفنان رامي جمال كانت أغنية "أهي مشيت" من كلمات جمال الخولي، وألحان رامي جمال، وتوزيع وميكس وماستر زاك.