شاهد.. أنغام تغني في الندوة التثقيفية الـ 38 للقوات المسلحة
شاركت المطربة أنغام، في الندوة التثقيفية الـ 38 للقوات المسلحة، والتي أقيمت بمناسبة مرور 50 عاما على نصر أكتوبر المجيد، بحضور الرئيس عبد الفتاح السيسي.
وخلال الندوة قدمت "أنغام" أغنية تعبر عن نصر أكتوبر، وجاءت كلماتها كالآتي:
التاريخ بيقول أن محدش له حاجة عندي
ولا عاش ولا كان اللي هيكسر شوكة بلدي
على اللي بيعتدي مصر عاصية وعنيدة وحرة وقوية
واللي يحاول يهدمها.. ابنيها بيدي
ده الشعب اللي في حق بلاده عمره ما قصر
محتل بدل ما يأثر هو اللي اتأثر
مقدرش يغير ملامحنا
خد مننا طريقتنا وروحنا
وخرج من بلدي بيتكلم بلدي مكسر
دي بلد يضربوا بيها الأمثال
إرادتها بجد عجيبة
كل اللي دخلها خرج منها بيجر ديول الخيبة
مكتوب على بابها اللي هيجي عليها هيتذل
وأجارك الله على الشعب المصري
ده مالوش حل
ده سنين وعدوها نفسه يفك في شفرتها
وأهو جيل ورا جيل اتعلم منها معافرتها
وأهو لخص موضوعنا ده كله
الحر محدش يحتله
ويا ويله اللي يفكر ويهوب نحيتها
دي بلد يضربوا بيها الأمثال
إرادتها بجد عجيبة
كل اللي دخلها خرج منها بيجر ديول الخيبة
مكتوب على بابها اللي هيجي عليها هيتذل
وأجارك الله على الشعب المصري
ده مالوش حل