هل التنظيف والكنس بالليل حرام؟.. مصطفى حسني يجيب

أجاب الداعية مصطفى حسني على سؤال إحدى المتابعات هل “التنظيف والكنس بالليل حرام؟”

قال “حسني” خلال مقطع فيديو عبر حسابه الشخصي على موقع تبادل الصور والفيديوهات إنستجرام: “إحنا معندناش دليل صحيح في ديننا بينهى أو بيخوف من الكنس والتنظيف بالليل بل دي من المعلومات الخاطئة المشتهرة بين الناس بل على العكس إحنا عندنا حديث كما قال صلى الله عليه وسلم (إن الله طيب يحب الطيب نظيف يحب النظافة كريم يحب الكرم جواد يحب الجود فنظفوا أراه قال أفنيتكم)”.

نرشح لك: رمضان عبد المعز: هذه أخطر علامات غضب الله

تابع: “بل النظافة دي هي جزء من إحياء وقيام الست اللي بتنضف لليل لو هتنضف بالليل لأن قيام الليل هو إحياء الليل فيما أراده ويرضاه الله فالطالب اللي بيذاكر علشان مصلحته ومستقبله ويرضي أهله والراجل اللي بيشتغل وعنده نبطشية بالليل”.

استكمل: “الست اللي بتنضف بيتها ومكنش عندها وقت إلا بالليل ما هي راجعة من الشغل شقيانة من الصبح فمعندهاش وقت إلا التنضيف بالليل، دي بتقيم الليل لأنها تسعى على خدمة نفسها وأهل بيتها هذا ما اقامه الله فيها، ربنا طلب منها كده ده قيام الليل أصلا لأنه إحياء لليل فيما يرضي الله”.

إنستجرام رئيسية مصطفى حسني