كان هيغمى عليا.. لطيفة تتحدث عن أول لقاء لها مع بليغ حمدي

قالت الفنانة لطيفة، إنها جاءت زيارة إلى مصر عندما كانت في الثانوية العامة، مشيرا إلى أنها قابلت الفنان بليغ حمدي في هذه الزيارة وأعجب بصوتها وأخبرها أنها يجب أن تأتي إلى لمصر لكي تتعلم الموسيقى.

أضافت “لطيفة” خلال لقائها في برنامج معكم منى الشاذلي” مع الإعلامي منى الشاذلي المذاع عبر شاشة” CBC”: “أول زيارة ليا لمصر كانت في إجازة نص السنة، وفي الرحلة دي عرفت ابن الموسيقار محمد عبد الوهاب عزمنا في بيته وعمل لي مفاجأة، رحت وبسلم على الناس لقيت قدامي بليغ حمدي، وأنا بموت فيه من وأنا طفلة بغني له”.

نرشح لك: لطيفة: والدتي سبب رفضي الغناء في الأفراح

أشارت: “كان هيغمى عليا أول ما شوفته كان ممكن أقع فيها، وهما كانوا قايلين له إني بغني فقال لي غني، مغنتش لحن له، لأني بحب الأغاني اللي بتجيب طبقة صوتي، غنيت أول جملة وقام مكملش راح مسك التليفون، جه تاني وقال لي أنا بعت السواق يجيب الأستاذ عبد الوهاب محمد لازم يسمعك”.

تابعت: “قعدت أنا وهو وعبد الوهاب محمد وقال لي أنتي لازم تيجي هنا ودي كانت كارثة في البيت إزاي مكملش الثانوية وأروح مصر، فقولت له أتمنى لكن صعب عشان دراستي، قال لي تعالي أعملي دراسات عليا في مصر”.

أردفت: “روحت بقى وزني 39 كيلو عشان أنجح وأخد الثانوية العامة وأجي مصر، كنت هموت من المذاكرة، ونجحت ودخلت الجامعة لكن مكملتش بسبب المظاهرات”.