شاهد.. أغنية "هرمون السعادة" لـ تامر حسني من فيلم "تاج"
طرح الفنان تامر حسني فيديو كليب أغنية “هرمون السعادة” من فيلم “تاج” المقرر عرضه بالسينمات في عيد الأضحى المبارك.
الأغنية من كلمات أحمد جابر، وألحان علي الخواجة، توزيع حاتم محسن.
نرشح لك: كواليس تصوير تامر حسني مشاهده مع الأسد في فيلم “تاج”
وجاءت كلمات الأغنية كالتالي:
مسيلي على الحبايب
الحاضر واللي غايب
القعدة الليلة حلوة
والسكر فيها دايب
كل الصحبة الجميلة
متجمعين في ليلة
مش هنسيب حد يمشي
لسه السهرة طويلة
ما تيلا بينا نعيش شوية
لسه السنين الحلوة جاية
والحزن بح من النهاردة
عايزين دلع في كل ثانية
أرجوك ده إحنا استوينا
أرجوك ده إحنا اتهرينا
إيه يا عم الحظ مالك
ما تحس شوية بينا
ويا هرمون السعادة
اليوم ده ملوش إعادة
لو هتشربنا قهوة
أرجوك ماتكونش سادة
يظهر تامر في فيلم “تاج” بشخصية سوبر هيرو، يتمتع بقوة خارقة، ويعيش قصة حب مع الفنانة دينا الشربيني، خلال أحداث فيلم “تاج”، بينما ظهر تامر حسني في البرومو، وهو يرقص مع التيك توكر نويل روبنسون، ويقوم بوصلة رقص بلدي أيضا.
يشارك في بطولة فيلم “تاج” عدد كبير من الفنانين، أبرزهم تامر حسني، دينا الشربيني، هالة فاخر، عمرو عبد الجليل، أحمد بدير، محمد أبو داوود، سمر محمد متولي، ساندي وأحمد عبد العزيز، وغيرهم، والعمل من إخراج سارة وفيق.