مونيا: زوجي كان منتج "عائلة الحاج متولي" ولم يفرضني على نور الشريف

كشفت الفنانة مونيا، بطلة مسلسل “عائلة الحاج متولي”، تفاصيل مشاركتها في العمل، ومن رشحها لتقديم دور “ألفت”، والتي كانت محل انتقادات واسعة حينها.

وقالت” مونيا” خلال لقائها ببرنامج “قعدة ستات” الذي تقدمه الإعلامية مروة صبري على شاشة “القاهرة اليوم”، إن زوجها السابق ممدوح يوسف منتج مسلسل عائلة الحاج متولي هو من رشحها للعمل.

نرشح لك: مونيا: أنا مش ضد تعدد الزوجات ووافقت جوزي يتجوز عليا

وتابعت: “بحترم كل الأراء واللي انتقدني وقال عشان مرات المنتج.. ولكن أستاذ نور الشريف مبيفوتش شعراية ومفيش حاجة اسمها حد يفرض حاجة على نور الشريف، ولما دخلت البروفة كنت مرعوبة جدا وكان حلم حياتي أمثل، ولقيته في البروفة كان قاعد مترقب، المنتج ممدوح يوسف والد أولادي هو اللي رشحني وقالهم شوفوا مونيا، وأنا بحب التمثيل وبحب الغناء”.

واستكملت مونيا حديثها: “مكنش في غيرة بين بطلات المسلسل رغم أنهم سابقني بسنوات طويلة، الدور مكنش كبير كده ولما اشتغلت كنت بقعد في قعدات الكتابة، والمنتج كان بيحضر وبيتابع كل شئ، وكان بيشوف تفاصيلهم في المسلسل وهيعملوا ايه، ولما شافني أستاذ نور الشريف قال عايز دور مونيا يكبر هو وكل أبطال العمل، وكنت ملتزمة وبسمع كويس وأي حاجة بيقولهالي بسمعه”.

للمشاهدة من هنا 

برنامج “قعدة ستات” تقدمه الإعلامية مروة صبري على شاشة “القاهرة اليوم” يوم السبت من كل أسبوع، وتستضيف خلاله نجوم الفن والمجتمع.