هالة سرحان: شريف عامر من أكثر الإعلاميين احتراما وحرافية

علقت الإعلامية هالة سرحان على هجوم بعض رواد مواقع التواصل الاجتماعي على الإعلامي شريف عامر حول إدارته لمداخلة الفنان عادل إمام.

قالت “سرحان” خلال حوارها في برنامج “ET بالعربي“: “السوشيال ميديا دي فيها أمراض، بتدي حجم للي مالوش حجم، واللي مالوش حجم عايز يبقى بني آدم بأنه يسب ويلعن ويهزق اللي له قيمة”.

نرشح لك: تعليق شريف عامر على مداخلة عادل إمام في برنامج “يحدث في مصر”

تابعت أنها تعتبر أن شريف عامر من أكثر الإعلاميين قاطبة احتراما والتزاما وحرافية، وترى أنه نموذج فاضل لهذه المهنة، مضيفة: “محترم وبيذاكر وبيتعب”.

وعن رد فعله بمداخلة عادل إمام، أوضحت: “كان سعيد جدا لأنهم فجاؤه بأن الأستاذ عادل إمام بيرد عليه على التليفون.. أنا كتبت تويتة بعد المداخلة دي وقولت (برافوا شريف عامر) زي ما أكون قلبي حاسس”.

استكملت: “هو كان مشاهد بسيط سعيد أنه بيكلم الزعيم.. وذكاؤه أنه مركبش على الزعيم، وده عيب المذيعيين بتوع دلوقت بيهموا أنه يعمل الترند بس مش مهم الضيف.. شريف محترم أنا لو مكانه هسيب الزعيم يتكلم أتكلم أنا ليه!”.

وعن حقيقة اعتزال عاد إمام الفن، قالت: “مفيش حاجة اسمها اعتزال للفن الباقي.. عادل إمام النهاردة وأنا في أي بلد في العالم بيقابلوني جميع الجنسيات العربية ويقولوا لي (والنبي تسلمي لينا على عادل إمام) عادل إمام لن يعتزل من القلوب.. الرصيد بتاعه ضخم وعظيم في قلوب كل العرب وكل من يتحدث العربية حتى لو أجنبي عارف عادل إمام”.

اختتمت: “عادل إمام أسطورة.. يعني إيه يعتزل!، أم كلثوم اعتزلت؟.. إحنا لحد النهاردة بنتفرج عليها بليل في التلفيزيونات بشكل أسطوري كل الناس بتسمعها مفيش اعتزال في الفن والآدب، لأن الأعمال باقية”.

هالة سرحان