مشهد مؤثر لحنان في المحكمة في الحلقة الأخيرة من "تحت الوصاية"

شهدت أحداث الحلقة الأخيرة من مسلسل تحت الوصاية، مثول حنان أمام المحكمة بتهمة سرقة المركب.

وخلال المشهد طلبت حنان من المحكمة أن تطرح سؤالا، وتحدثت عن مصير طفليها بعد تنفيذ الحكم بحبسها، في مشهد مؤثر تكلمت خلاله عن متطلباتهما كطفلين والتي هي أدرى شخص بها كونها أمهما: “سيادتك أنا مش عارفة لما تاخدوا العيال هتعملوا معاهم إيه.. أصل في حاجات تخصهم أنا بس اللي أعرفها”.

أضافت: “ياسين لو صحي من النوم وملاقاش لمبة منورة بيتفزع ويقعد يومين مبيعرفش ينام خالص.. ولو كل ملوخية بطنه بتكركب ومبيعرفش يحط حاجة في بقه بقية اليوم، وأهم حاجة عنده الكورة لأنه موهوب قوي فيها، يعني لو مفيش فلوس حتى نجيب لعب عادية زي بتاعة العيال، الكورة للزم نجيبها، وفرح متعبة شوية في النوم وبتحتاج صبر ومناهدة، وبعد كده بتنام عادي، مفيش حاجة بتهديلها بطنها غير الكراوية اللي بعملها ليها”.

أردفت: “مش عارفة بقول الكلام دا دلوقت ليه ولا أقوله لمين، يعني بس أنا عارفة أن حضراتكم اللي يتقولوا مين يبقى واصي.. فبقوله كده عشان تبقوا عارفين وتقولوله اللي هياخد باله من العيال.. أنا والله حاولت أعمل كل اللي أنا أعرفه، بس هو عادل جوزي سابني بدري ومكنتش عاملة حسابي ولا عمري فكرت في حاجة زي كده.. ومش عارفة أنا فيا غلط إيه، وإيه الغلط اللي عملته أنا مش عارفة أنا بس قولت لسيادتكم الحاجات دي عشان تعرفوها عشان العيال هتعملوا معاها إيه”.

ليرد عليها القاضي: “الكلام دا مش في القانون.. أنا بتكلم في القانون وبس”.

مسلسل “تحت الوصاية” تأليف خالد وشيرين دياب، وإخراج محمد شاكر خضير وإنتاج ميديا هب سعدى – جوهر، وبطولة منى زكي، دياب، نهى عابدين، أحمد خالد صالح، رشدى الشامى، على الطيب، مها نصار، خالد كمال، ثراء جبيل، محمد عبد العظيم، أحمد عبد الحميد وعدد آخر من الفنانين، ويناقش العمل قانون الوصاية بعد وفاة الأب أو الزوج.

نرشح لك:

حبس حنان.. تفاصيل الحلقة الأخيرة من “تحت الوصاية”