"صاحبي اتغير عليا.. أعمل إيه؟" مصطفى حسني يجيب
أجاب الداعية مصطفى حسني على سؤال من أحد المتابعين، يقول فيه: “صاحبي اتغير عليا.. أعمل إيه؟”.
قال “حسني” عبر حسابه الشخصي على موقع تبادل الصور والفيديوهات إنستجرام، في مقطع فيديو: “في أكتر من سبب ممكن الناس أصحابنا يتغيروا علينا وكل سبب ليه رد فعل مناسب مع السبب ده ومناسب مع العشرة ودي الأهم”.
نرشح لك: مصطفى حسني: 3 حاجات تعملهم علشان بالك يرتاح
تابع: “السبب الأول أن صاحبك يتغير عليك بسبب غلطة أنت عملتها وممكن تكون مش قاصد ومش واخد بالك، علشان كده بقترح عليك إنك بمحبة ولطف كده تقوله، بتواضع وجمال كده واسمع منه ولما تسمع منه ماتجادلوش، طيب خاطره لو حسيت فعلا أن في تصرف ميليقش طلع منك”.
أضاف: “الحاجة التانية إن صاحبك يكون اتغير عليك بسبب ضغوط الحياة اللي عليه، فهو شخصيته متغيرة الفترة دي مضغوط، معندوش مساحة في صدره للطف والهزار والكلام بتاع زمان، وهنا أنت توفرله بيئة آمنة هادئة إن هو لما يتغير ياخد واقته ويرجع تاني، ماتعتبوش خليك حواليه أعرض المساعدة لو أنت عارف إن فيه مشكلة في حياته أقبل هذا الضعف البشري وأنت في يوم من الأيام برضو هيحصلك كده وهتتمنى أن الناس تستحملك”.
استكمل: “الحاجة التالتة إن صاحبك ده يكون متغير عليك لأن أنت السفنجة اللي هو بيطلع فيها غضبه لما بيتضغط في الحياة، فأنت لو حاسس إن الموضوع كده واجهه وعبر عن ضيقك واسمع منه”.
View this post on Instagram