مصطفى حسني: 3 حاجات تعملهم علشان بالك يرتاح
نصح الداعية مصطفى حسني بـ 3 أشياء على الفرد عملهم، حتى يحظى براحة البال.
قال “حسني” عبر حسابه الشخصي على موقع تبادل الصور والفيديوهات إنستجرام: “ترك المقارنة، متبصش في أيد غيرك، المقارنة بترهق القلب، لو عملت اللي عليك أرضى بالموجود، النظر في أيد غيرك بيحسس الإنسان بالمرارة ويخليه مايشوفش النعمة”.
نرشح لك: نصائح مصطفى حسني للتفاهم في أول شهور الزواج
تابع: “عدم الدخول في معارك ملهاش لازمة، مش كل واحد يتكلم ترد عليه، مش كل واحد يتريق توجعك في قلبك، مش كل واحد طنش تحس أن هو مابيحبكش، ماتدخلش في المعارك دي، وفر الطاقة للحاجات اللي فيها مسئوليات بجد، آخر حاجة، كثرة ذكر الله، ألا بذكر الله تطمئن القلوب”.
View this post on Instagram
في سياق آخر، أجاب الداعية مصطفى حسني على سؤال طُرح عليه من أحد متابعيه، يقول فيه: كيف أعيش حياتي كما أحبها ولا أفكر فيما يقوله الناس حولي؟
قال حسني خلال مقطع فيديو نشره على حسابه عبر موقع إنستجرام: “الناس تراب؛ فأنت لو مهتم بنظرة “التراب” أنت اللي بتنزل نفسيتك وقلبك.. ولو شايف إن التراب بينفع وبيضر يبقى راجع معلوماتك”.
أضاف: “البني آدم كائن ليس له تأثير أمام قدرة الله.. إذا أراد الله شيئا لا يقف أمامه الإنسان، الناس بتحكم على بعض برؤيتها.. يعني أنا هحكم عليك بعقلي فأنا عقلي ده بايظ ومليان أمراض ومخاوف وظنون وعندي مشاكل انت متدفعش تمنها”.
تابع مصطفى حسني: “وأغلب اللي بينتقد بيبقى بيكلم نفسه وبيسموه الإسقاط في علم النفس، فعايز تعيش حياتك ركز في اللي يرضي ضميرك وخليه متوافق مع كلام ومراد ربك.. ساعتها تطمن وربنا يسخر لك قلبك ويسخر لك العباد كمان”.
